“შოკირებული ვარ კახოვკაში კაშხალზე უპრეცედენტო თავდასხმით, ჩვენ პასუხისმგებლობას დავაკისრებთ რუსეთს”

81
spot_img

ხერსონის ოლქში კახოვკის ჰიდროელექტროსადგურის აფეთქებას ევროპული საბჭოს პრეზიდენტი, შარლ მიშელი გამოეხმაურა.

„შოკირებული ვარ კახოვკის ჰიდროელექტროსადგურის კაშხალზე უპრეცედენტო თავდასხმით. სამოქალაქო ინფრასტრუქტურის განადგურება აშკარად კვალიფიცირდება, როგორც ომის დანაშაული და ჩვენ პასუხისმგებლობას დავაკისრებთ რუსეთსა და მის მარიონეტებს“, – წერს შარლ მიშელი საკუთარ „ტვიტერზე“.

შეგახსენებთ, უკრაინის ხელისუფლების ცნობით, რუსეთის ძალებმა დღეს დილით ააფეთქეს ხერსონის ოლქში მდებარე კახოვკის ჰიდროელექტროსადგურის კაშხალი. ხერსონიდან მიმდინარეობს მოსახლეობის ევაკუაცია. რამდენიმე დასახლებული პუნქტი უკვე ნაწილობრივ ან მთლიანად დატბორილია.