სტოკჰოლმსა და კოპენჰაგენში ყურანი კიდევ ერთხელ დაწვეს

89
spot_img

სტოკჰოლმსა და კოპენჰაგენში ყურანი კიდევ ერთხელ დაწვეს. „როიტერის“ ცნობით, დანიის დედაქალაქში ყურანი დაწვეს საუდის არაბეთის საელჩოს წინ, ხოლო შვედეთის დედაქალაქში ანალოგიური აქცია პარლამენტთან გაიმართა.

შვედეთში ყურანის დაწვის ორგანიზატორები იმიგრანტები იყვნენ. პარალელურად, სტოკჰოლში შედგა მცირერიცხოვანი დემონსტრაცია, სადაც რელიგიური წიგნების დაწვა გააპროტესტეს.

ცნობისთვის, დღეს 57 მუსლიმური ქვეყნის წარმომადგენლები მართავენ ვიდეოკონფერენციას, სადაც სკანდინავიურ ქვეყნებში ყურანის დაწვის ფაქტებზე რეაგირების გზებზე მსჯელობენ.

შვედეთის საგარეო საქმეთა მინისტრმა, ტობიას ბილსტრომმა განაცხადა, რომ ოფიციალური წერილი გადაუგზავნა მუსლიმური ქვეყნების ლიდერებს, სადაც დაგმო ისლამოფობიის გამოვლინებები და განმარტა შვედური კანონმდებლობა, რომელიც გამოხატვისა და შეკრების თავისუფლებას უზრუნველყოფს.

„როიტერის“ ცნობით, უახლოეს ხანში ყურანის დაწვის აქციები კიდევ არის დაგეგმილი.

შვედეთისა და დანიის მთავრობა უკვე განიხილავს საკანონმდებლო ცვლილებებს, რომლითაც რელიგიური წიგნების დაწვა აიკრძალება.