სტიქიის შედეგად დაღუპული სოფო ბაკურაძე და გენადი სულთანიშვილი სოფელ გლოლაში დაკრძალეს

90
spot_img

სტიქიის შედეგად დაღუპული სოფო ბაკურაძე და გენადი სულთანიშვილი სოფელ გლოლაში დაკრძალეს.

მანამდე გარდაცვლილთა სამოქალაქო პანაშვიდი საჯარო სკოლაში გაიმართა. მათ სულებს პატივი ადგილობრივი ხელისუფლების წარმომადგენლებმა, მოქალაქეებმა, ადგილობრივებმა მიაგეს და მათ ოჯახის წევრებს მიუსამძიმრეს.

„ძალიან დიდია ტრაგედია, რომელიც ჩვენს კუთხეს, სრულიად საქართველოს დაატყდა. ვუსამძიმრებ გარდაცვლილთა ოჯახებს, ახლობლებსა და ნათესავებს და გამოვთქვამ ჩემს თანადგომას ამ მძიმე განსაცდელის ჟამს მათ მიმართ“, – განაცხადა რაჭა-ლეჩხუმ-ქვემო სვანეთის სახელმწიფო რწმუნებულმა, პარმენ მარგველიძემ ჟურნალისტებთან საუბრისას.

რაჭაში, შოვში მჟავე წყლებთან მეწყერი 3 აგვისტოს ჩამოწვა. სტიქიის დროს გარდაცვლილთა რიცხვი 25-ს შეადგენს, ხოლო ნაპოვნია სხეულის 5 ფრაგმენტი. ამ ეტაპზე შოვში დაკარგულ 8 ადამიანს ეძებენ.