“სტატუსის მინიჭება არ არის რომელიმე, თუნდაც პარტიის შიდა საკითხი, ეს არის ქვეყნის გაძლიერების საკითხი” – ხატია დეკანოიძე

65
spot_img

როდესაც ჩვენ ვსაუბრობდით ჩვენს პარტნიორებთან და მათ მოგვმართეს, მე და ხათუნა სამნიძე ვიყავით ერთად. ამიტომ მე შემიძლია ეს დავადასტურო და პირველ რიგში მინდა გითხრათ, რომ კანდიდატის სტატუსის მინიჭება არ არის რომელიმე, თუნდაც პარტიის შიდა საკითხი, ეს არის ქვეყნის გაძლიერების საკითხი და ძალიან მნიშვნელოვანია, რომ ეს გზავნილი წავიდეს საქართველოდან, – დეპუტატი ხატია დეკანოიძე „რესპუბლიკური პარტიის“ თავმჯდომარის, ხათუნა სამნიძის განცხადებას ეხმიანება.

„იმ შემთხვევაში, თუ ვინმეს აქვს სხვა მოსაზრება და მე მესმის, რომ შეიძლება იყოს სხვადასხვა მოსაზრებები, მაშინ ეს უნდა ითქვას ღიად და საჯაროდ. მე არავითარი გვარების დასახელებას, რა თქმა უნდა, არ ვაპირებ. ეს არ არის ინფორმაცია, რომელიც იცის მხოლოდ სამნიძემ დეკანოიძემ და რამდენიმე ადამიანმა. ეს ინფორმაცია ჟღერდება სხვადასხვა ადამიანებთან, რომ არაერთგვაროვანი პოზიციაა“, – განმარტა ხატია დეკანოიძემ.

„რესპუბლიკური პარტიის“ თავმჯდომარის, ხათუნა სამნიძის განცხადებით, ოპოზიციის რიგებში არიან პოლიტიკოსები, რომლებიც კანდიდატის სტატუსის მინიჭების პროცესს ხელს უშლიან.