თურქულმა ავიაკომპანია Turkish Airlines-მა გამოაცხადა 19:00-დან 22:00 საათამდე ყველა ფრენის გაუქმება, სტამბოლიდან ბილეთების დაჯავშნის სისტემაში ტექნიკური ხარვეზების გამო. ამის შესახებ ავიაკომპანიის წარმომადგენელმა იაჰია უსტიუნმა განაცხადა.
“ჩვენი შესაბამისი განყოფილებები აგრძელებენ მუშაობას ბილეთების გაყიდვისა და ქსელის ინფრასტრუქტურის პრობლემებით გამოწვეული შეფერხებების აღმოსაფხვრელად. ჩვენ გავაგრძელებთ უახლესი ინფორმაციის გაზიარებას მიმდინარე სიტუაციის შესახებ”, – თქვა მან X-ზე (Twitter).
ცოტა მოგვიანებით, უსტიუნმა დაამატა, რომ ყველა ფრენა სტამბოლის აეროპორტიდან ადგილობრივი დროით 19:00 საათიდან 22:00 საათამდე არ განხორციელდება.
