სპორტის კომიტეტმა 2024 წლის სამოქმედო გეგმა დაამტკიცა

14
spot_img

სპორტის კომიტეტმა 2024 წლის სამოქმედო გეგმის ფარგლებში დაგეგმილი აქტივობები და მასზე პასუხისმგებელი კომიტეტის წევრები განსაზღვრა. სამოქმედო გეგმაში კომიტეტის წევრებმა კანონშემოქმედებითი და საზედამხედველო საქმიანობის ღონისძიებების ვადები და დონორ ორგანიზაციებთან და აღმასრულებელი ხელისუფლების ორგანოებთან თანამშრომლობის მიმართულებები ასახეს.

კომიტეტის თავმჯდომარის ირაკლი მეძმარიაშვილის განცხადებით, მნიშვნელოვანია, რომ სპორტული ინფრასტრუქტურის მშენებლობა-რეაბილიტაციის პროექტირების მომზადებისას შესაბამისი სპორტული ფედერაციების რეკომენდაციების გათვალისწინება მოხდეს, რადგან სრულად დაიცვან ის სტანდარტები, რაც საერთაშორისო ტურნირების ჩატარებისთვის და სპორტის სახეობების განვითარებისთვის არის აუცილებელი.

მისივე თქმით, აღნიშნულ საკითხთან დაკავშირებით კომიტეტი ცალკე საკომიტეტო მოსმენას გამართავს, სადაც სპორტული ფედერაციების და შესაბამისი სამინისტროების წარმომადგენლების შეხვედრა გაიმართება.

სპორტის კომიტეტის 2024 წლის სამოქმედო გეგმაში, რომელიც კომიტეტმა ერთხმად დაამტკიცა, 40-მდე ღონისძიება და აქტივობაა გათვალისწინებული.