სლოვაკეთის კულტურის სამინისტრომ რუსეთთან და ბელარუსთან თანამშრომლობის აკრძალვა გააუქმა

16
spot_img

სლოვაკეთის კულტურის მინისტრმა მარტინა შიმკოვიჩოვამ რუსეთის ფედერაციასა და ბელორუსთან კულტურის სფეროში თანამშრომლობის აკრძალვა გააუქმა. ამის შესახებ European Pravda ადგილობრივ ბიუროზე დაყრდნობით წერს.

გამოცემის ცნობით, მარტინა შიმკოვიჩევას 12 იანვრით დათარიღებულ ბრძანებაში აკრძალვის გაუქმების შესახებ წერია, გადაწყვეტილების ძალაში შესვლის თარიღად კი 15 იანვარია დასახელებული.

„მსოფლიოში ათობით სამხედრო კონფლიქტი მიმდინარეობს და ჩვენი აზრით, ხელოვანებმა და კულტურამ არ უნდა გადაიხადონ ამის საფასური“, – ნათქვამია დოკუმენტში.

როგორც European Pravda აღნიშნავს, რუსეთთან და ბელარუსთან ყველანაირი სახის კულტურული თანამშრომლობა 2022 წელს, მას შემდეგ იყო აკრძალული, რაც რუსეთი უკრაინაში შეიჭრა და სრულმასშტაბიანი საომარი მოქმედებები დაიწყო.