“შპს რეტროსა” და “შპს რესტრო 2”-ს სამუშაო პროცესი შეუჩერდა და დამატებით 30 000 ლარით დაჯარიმდა

153
spot_img

შრომის ინსპექციის სამსახურმა „შპს რეტროსა“ და „შპს რესტრო 2“-ს სამუშაო პროცესი შეუჩერა.

როგორც უწყების მიერ გავრცელებულ განცხადებაშია აღნიშნული, შემოწმდა კომპანიის სამი ობიექტი თბილისსა და ბათუმში.

„უსაფრთხოების ნორმების დარღვევისა და არასათანადო სამუშაო პირობების გამო „შპს რეტრო“ და „შპს რესტრო 2“, სამუშაო პროცესის შეჩერებასთან ერთად, დამატებით 30 000 ლარით დაჯარიმდა. უწყებამ ასევე დაავალდებულა კომპანია, სრულად აუნაზღაუროს თანამშრომლებს სახელფასო დანაკლისი, როგორ ზეგანაკვეთური, ასევე კუთვნილი შვებულების ფულადი ანაზღაურების სახით. ამჟამად კომპანიიდან გამოთხოვილ დოკუმენტაციას შრომის ინსპექციის სამსახური სწავლობს“, – აღნიშნულია შრომის ინსპექციის სამსახურის ინფორმაციაში.

ბათუმში, რესტორან „რეტროში“ თანამშრომლის მიმართ ძალადობის ფაქტზე რესტორნის მფლობელი ძალადობის მუხლით დააკავეს. უწყებამ გამოძიება სოციალურ ქსელში გავრცელებული ვიდეოს საფუძველზე დაიწყო. კერძოდ, სოციალურ ქსელში გავრცელდა ვიდეოჩანაწერი, სადაც რესტორნის მფლობელი თეიმურაზ ვარშანიძე თანამშრომელს ხელს ჰკრავს და რესტორნიდან აგდებს.