ონის მუნიციპალიტეტში, სტიქიის ზონაში მეხანძრე-მაშველები უწყვეტ რეჟიმში აგრძელებენ სამძებრო სამუშაოებს.
შინაგან საქმეთა სამინისტროს ინფორმაციით, სამძებრო სამუშაოები მიმდინარეობს როგორც სტიქიის ეპიცენტრში, ასევე მდინარეების – რიონისა და ჭანჭახის კალაპოტში.
„ამ დროისთვის სტიქიის ეპიცენტრის, მიწის მასის 90 პროცენტი გადამოწმებულია. სამძებრო სამუშაოებში ჩართულია როგორც ცოცხალი ძალა, ასევე მძიმე ტექნიკა და მცურავი საშუალებები. სამძებრო ღონისძიების ფარგლებში ნაპოვნია 25 ადამიანის ცხედარი და რვა პირთან დაკავშირებით გრძელდება სამძებრო სამუშაოები“, – ნათქვამია შსს-ს ინფორმაციაში.
