შინაგან საქმეთა სამინისტრო განცხადებას ავრცელებს

189
spot_img

საქართველსო შინაგან საქმეთა სამინისტრო განცხადებას ავრცელებს მედიაში გავრცელებულ ინფორმაციასთან დაკავშირებით, თითქოს რუსეთის არმიის წევრი ანა ლაკობა საქართველოში იმყოფება.

როგორც უწყება განმარტავს, საქართველოში შემოვიდა და საქართველო დატოვა 2018 წელს.

„გვსურს, საზოგადოებას მივაწოდოთ ინფორმაცია, მედიასაშუალებებში გავრცელებულ ინფორმაციასთან დაკავშირებით, თითქოს რუსეთის არმიის წევრი, ანა ლაკობა საქართველოში იმყოფება.

შინაგან საქმეთა სამინისტროს შესაბამისი სამსახურების მიერ გადამოწმებული ინფორმაციის საფუძველზე განვმარტავთ, რომ უკრაინის რესპუბლიკის მოქალაქე Ganna ILYasova, რომელიც საზოგადოებისთვის ცნობილია სახელით, ანა ლაკობა საქართველოში შემოვიდა და საქართველო დატოვა 2018 წელს.

აღნიშნულმა მოქალაქემ საქართველოს სახელმწიფო საზღვრის კვეთისას ისარგებლა უკრაინის რესპუბლიკის მიერ გაცემული უკრაინის მოქალაქის პასპორტით.

2018 წლის შემდეგ პიროვნებას აღნიშნული პირადი მონაცემებით საქართველოს სახელმწიფო საზღვარი არ გადმოუკვეთავს.

აღნიშნული მოქალაქის მიერ საზღვრის კვეთის დროს არსებული სამგზავრო დოკუმენტის მიხედვით,ოკუპირებული ტერიტორიების შესახებ საქართველოს კანონის დარღვევის ფაქტი არ დაფიქსირებულა“, – აღნიშნულია შსს-ს განცხადებაში.