ბატონო ანრი, შეურაცხყოფა ისეთმა ადამიანმა უნდა მომაყენოს, რომელიც თვითონ რამეს წარმოადგენს, ამიტომ არცერთი ჩვენგანი შეურაცხყოფას არ მიიღებს ბიძინა ივანიშვილის მსახურისგან – თავდაცვის სამინისტროში დავით ხიდაშელის დამნიშნავი პოლიტიკური ძალა მე მელაპარაკება ღალატზე?, – ასე უპასუხა „ევროოპტიმისტების“ დეპუტატმა ხატია დეკანოიძემ იურიდიული კომიტეტის თავმჯდომარეს, ანრი ოხანაშვილს, რომელმაც პარლამენტში ხატია დეკანოიძესთან კამათისას ჟურნალისტებსა და ოპერატორებს სთხოვა, გადაეღოთ, “როგორ გამოიყურება ღალატის სახე”.
ხატია დეკანოიძის განცხადებით, „ქართული ოცნება“ გამჭვირვალობაზე საუბრობს, თუმცა როდესაც რამდენჯერმე შემოსავლების სამსახურს „ქართუსთან“ დაკავშირებით წერილით მიმართა, პასუხი არ მიუღია.