“შენი ხმა ევროკავშირს” მსვლელობა თბილისში

47
spot_img

„ჩვენი ხმა ევროკავშირს“ – ამ სახელწოდებით დედაქალაქში მარში მიმდინარეობს.

მსვლელობა პირველი რესპუბლიკის მოედნიდან დაიწყო და მონაწილეები ევროპის მოედნისკენ გაემართნენ, სადაც რეკორდული მასშტაბის ევროკავშირის დროშა გაიშლება.

ორგანიზატორები აღნიშნავენ, რომ დროშაზე გამოსახული თითოეული ვარსკვლავი საქართველოს სხვადასხვა რეგიონშია დამზადებული, რაც ევროპული ინტეგრაციისადმი მთელი საზოგადოების მისწრაფებას გამოხატავს. მარშში, რომელიც სამოქალაქო საზოგადოების ინიციატივით იმართება, რიგით მოქალაქეებთან ერთად, პოლიტიკური ჯგუფების წარმომადგენლები მონაწილეობენ.

მარშს შეუერთდა საქართველოს პრეზიდენტი სალომე ზურაბიშვილი.

როგორც სალომე ზურაბიშვილმა აღნიშნა, ევროპა არის ის სივრცე, სადაც ადამიანების თავისუფალ აზრს აქვს უდიდესი მნიშვნელობა.

„ამდენი ხალხი მოდის და ამდენმა ხალხმა თავის ხმა მიაწვდინა ევროპას. ევროპა არის ის სივრცე, სადაც ადამიანებს აქვთ უდიდესი მნიშვნელობა, სადაც მათ თავისუფალ აზრს აქვს უდიდესი მნიშვნელობა. მე მაქვს დიდი იმედი, რომ ეს თავისუფალი აზრი იქნება გათვალისწინებული და ჩვენ შევძლებთ 15 დეკემბრის მერე კიდევ ერთხელ ზეიმს და მერე მომზადებას შემდეგი წლისთვის, რომელიც არანაკლებ მნიშვნელოვანი იქნება“, – განაცხადა პრეზიდენტმა.