რუსეთის თავდაცვის სამინისტრომ გაავრცელა ვიდეო, სადაც ჩანს შავი ზღვის ფლოტის მეთაური ვიქტორ სოკოლოვი კონფერენციას ესწრება, მაშინ, როცა უკრაინული მხარე აცხადებს, რომ ის ყირიმში რუსეთის შავი ზღვის ფლოტის შტაბ-ბინაზე სარაკეტო თავდასხმის დროს მოკლა. ამის შესახებ BBC წერს.
რვა წუთიან ვიდეოში ნაჩვენებია თავდაცვის სამინისტროს კოლეგია, თუმცა უცნობია როდის არის გადაღებული ეს კადრები, სადაც ვიქტორ სოკოლოვი რუსეთის თავდაცვის მინისტრთან ერთად არის აღბეჭდილი.
რუსეთის თავდაცვის სამინისტროს ცნობით, მაღალჩინოსნებთან შეხვედრა 26 სექტემბერს გაიმართა.
ცნობისთვის, უკრაინის შეიარაღებული ძალების სპეციალური ოპერაციების ძალები აცხადებდნენ, რომ 22 სექტემბერს ოკუპირებულ სევასტოპოლში, რუსეთის შავი ზღვის ფლოტის შტაბზე სარაკეტო შეტევის დროს, 34 რუსი ოფიცერი, მათ შორის რუსეთის შავი ზღვის ფლოტის მეთაური, ვიქტორ სოკოლოვი დაიღუპა.
