შავ ზღვაში ჩაიძირა თურქული სატვირთო გემი, რომელზეც 12 მგზავრი იმყოფებოდა. ამის შესახებ Reuters-ი იტყობინება.
„ქარიშხლის დროს სატვირთო გემი 12 მგზავრით თურქეთის შავი ზღვის სანაპიროზე ჩაიძირა. ხელისუფლებამ ეკიპაჟთან კონტაქტის დამყარება ვერ შეძლო“, – განაცხადა თურქეთის შინაგან საქმეთა მინისტრმა, ალი იერლიკაიამ.
არსებული ინფორმაციით, რეგიონს ძლიერი შტორმი დაატყდა თავს და უამინდობამ საძიებო სამუშაოებს ხელი შეუშალა.
„როცა ამინდი გაუმჯობესდება, სამძებრო-სამაშველო სამუშაოები დაუყოვნებლივ დაიწყება“, – განუცხადა ერლიკაიამ ჟურნალისტებს.
