სასამართლომ The Wall Street Journal-ის ჟურნალისტი ევან გერშკოვიჩი 30 ნოემბრამდე პატიმრობაში დატოვა

73
spot_img

მოსკოვის ლეფორტოვოს სასამართლომ ჯაშუშობაში ბრალდებული The Wall Street Journal-ის ჟურნალისტი ევან გერშკოვიჩი პატიმრობაში კიდევ 3 თვით, 30 ნოემბრამდე დატოვა.

სასამართლოს სხდომა დახურულ რეჟიმში წარიმართა, ვინაიდან საქმის მასალები გასაიდუმლოებულია.

The Wall Street Journal-ის ჟურნალისტი ევან გერშკოვიჩი 30 მარტს რუსეთის ქალაქ ეკატერინბურგში დააკავეს. მას ორთვიანი წინასწარი პატიმრობა აქვს შეფარდებული. გამოძიების ვერსიით, ამერიკული მხარის დავალებით ის აგროვებდა ინფორმაციას, რომელიც სახელმწიფო საიდუმლოს წარმოადგენს და რუსეთის სამხედრო-სამრეწველო კომპლექსის ერთ-ერთი საწარმოს საქმიანობას ეხებოდა.

ევან გერშკოვიჩს 20 წლით თავისუფლების აღკვეთა ემუქრება. ამერიკული მხარე მას „უკანონოდ დაკავებულად“ მიიჩნევს, რაც იმას ნიშნავს, რომ ვაშინგტონი პატიმრების გაცვლის გზით მის სამშობლოში დაბრუნებას შეეცდება.