“საქართველოში ერთ-ერთი ყველაზე გაუმჭვირვალე არის არასამთავრობო ორგანიზაციების დაფინანსება, ხალხმა უნდა იცოდეს, რაში იხარჯება ქვეყანაში შემოსული თანხა”

16
spot_img

საქართველოში ერთ-ერთი ყველაზე გაუმჭვირვალე სფერო არასამთავრობო ორგანიზაციების დაფინანსებაა. ხშირ შემთხვევაში, ეს არის არხები, რომლებიც ქვეყნისთვის საზიანო საქმეებს ხმარდება, როცა მაგალითად, ტარდება ტრენინგები, როგორ მოახდინონ რევოლუცია, სახელმწიფო გადატრიალება, – ამის შესახებ პარტია „ხალხის ძალის“ თავმჯდომარემ სოზარ სუბარმა ჟურნალისტებს განუცხადა.

მისი თქმით, ხშირად დაფინანსებები არასამთავრობო ორგანიზაციების სახელით მოდის, მაგრამ პოლიტიკურ საქმიანობას ხმარდება, რაც პირდაპირ ეწინააღმდეგება საქართველოს კანონმდებლობას.

„ხშირად არის დაფინანსებები, რომლებიც არასამთავრობო ორგანიზაციების სახელით მოდის, მაგრამ ამ დროს პოლიტიკურ საქმიანობას ხმარდება. ეს პირდაპირ ეწინააღმდეგება საქართველოს კანონმდებლობას. ამიტომ არის, რომ ამერიკაში ჯერ კიდევ გასული საუკუნის 30-იანი წლებიდან მოქმედებს „ფარა“,  ე.წ. უცხოური აგენტების დაფინანსების გამჭვირვალობის კანონი. სწორედ ამ კანონით გავიგეთ, რამდენი ფული იხარჯება მაგალითად, სააკაშვილის ოჯახის მხრიდან საქართველოს საწინააღმდეგო და მადისკრედიტირებელი სტატიების დაფინანსებაზე მთელ მსოფლიოში. ხალხმა უნდა იცოდეს, რაში იხარჯება ქვეყანაში შემოსული დაფინანსება“, – განაცხადა სოზარ სუბარმა.