საქართველოს გერმანიის პარლამენტის პრეზიდენტი ეწვევა

108
spot_img

გერმანიის პარლამენტის პრეზიდენტი, ბერბელ ბასი 2023 წლის 10-12 ივლისს მისი ქართველი კოლეგის, შალვა პაპუაშვილის მოწვევით, თბილისს ესტუმრება.

ამის შესახებ ინფორმაციას გერმანიის საელჩო ავრცელებს.

საელჩოს ცნობით, საქართველოში გერმანიის მაღალი რანგის წარმომადგენლის ვიზიტი საქართველო-გერმანიის თანამშრომლობის გაღრმავებას ემსახურება.

„ბერბელ ბასი საქართველოში მნიშვნელოვან მომენტში ჩამოდის. საქართველომ განაცხადი გააკეთა ევროკავშირში გაწევრიანებაზე და ამიტომ საუბარი იქნება შემდგომ ნაბიჯებზე ამ მიზნის მისაღწევად. გარდა ამისა, ბერბელ ბასი განიხილავს უკრაინაში რუსეთის სამხედრო აგრესიის ფონზე, საქართველოსა და სამხრეთ კავკასიაში არსებულ მდგომარეობას. პარლამენტის პრეზიდენტი შეხვდება საქართველოს პარლამენტის თავმჯდომარე, შალვა პაპუაშვილს, ასევე საქართველოს პრეზიდენტ სალომე ზურაბიშვილსა და საქართველოს პრემიერ-მინისტრ ირაკლი ღარიბაშვილს.

ვიზიტის პროგრამაში არის ასევე სამხრეთ ოსეთთან არსებული ადმინისტრაციული ხაზის მონახულება და ევროკავშირის სადამკვირვებლო მისიის ბრიფინგი.

გერმანიის რანგით მეორე სახელმწიფო წარმომადგენლის ვიზიტი საქართველოში ემსახურება მომავალში ჩვენი მჭიდრო თანამშრომლობის კიდევ უფრო გაღრმავებას“, – ნათქვამია გერმანიის საელჩოს მიერ გავრცელებულ ინფორმაციაში.