„საქართველო და აზერბაიჯანი – ევროპის სტრატეგიულად მნიშვნელოვანი გუნდია“ – ალიევი

საქართველო და აზერბაიჯანი ახლო პარტნიორები არიან. ამის შესახებ აზერბაიჯანის პრეზიდენტმა ილჰამ ალიევმა განაცხადა. ინფორმაციას „ეხო კავკაზა“ ავრცელებს.

მისი თქმით, ორი ქვეყნის პარტნიორობა მხოლოდ ენერგეტიკით არ შემოიფარგლება. „ამ თანამშრომლობის დახმარებით ჩვენ ევროპისთვის ვართ ერთიანი, სტრატეგიულად მნიშვნელოვანი გუნდი“, – განაცხადა ალიევმა.

აზერბაიჯანის პრეზიდენტის თქმით, ის საქართველოში რეგულარულად ჩადის, ხოლო საქართველოს პრემიერ-მინისტრი რეგულარულად სტუმრობს აზერბაიჯანს. „ძალიან კარგად გვესმის ქართველი მეგობრების სურვილი, რომ ევროკავშირის წევრები გახდნენ და ქართველ მეგობრებს წარმატებებს ვუსურვებ და საქართველოსთვის ევროკავშირის კანდიდატი ქვეყნის სტატუსის მინიჭებას ვულოცავ“, – განაცხადა ილჰამ ალიევმა.

ცნობისთვის, ევროკომისიის დადებითი დასკვნის შემდეგ საქართველოსთვის ევროკავშირის კანდიდატი ქვეყნის სტატუსის მინიჭების გადაწყვეტილება ევროკავშირის ლიდერებმა საბოლოოდ 14-15 დეკემბერს ბრიუსელში უნდა მიიღონ.