“სანჩესი – მოღალატე”, “ნუ გაყიდი ესპანეთს”- დემონსტრანტთა რეკორდული რაოდენობა მადრიდის ქუჩებში

89
spot_img

ესპანეთის დედაქალაქში, კატალონიის დამოუკიდებლობის მომხრეების ამნისტიასთან დაკავშირებით, პრემიერის განცხადების შემდეგ, პროტესტი არ წყდება. ამჯერად, მადრიდის ქუჩებში დაახლოებით 170 000 ადამიანი გავიდა, – წერს Reuters-ი.

სააგენტოს ცნობით, ბოლო დღეების განმავლობაში გამართული დემონსტრაციებისას, ამდენი ადამიანი ქუჩაში ჯერ არ გასულა.

მსვლელობის მონაწილეებს ეჭირათ ესპანეთის დროშები და ბანერები ტექსტებით: “სანჩესი – მოღალატე”, “ნუ გაყიდი ესპანეთს”…

Reuters-ის ცნობით, სამოქალაქო ჯგუფების მიერ ორგანიზებულ მსვლელობას ასევე შეუერთდნენ ოპოზიციური კონსერვატიული სახალხო პარტიის ლიდერი ალბერტო ნუნეს ფეიჰო და ულტრამემარჯვენე პარტია Vox-ის ლიდერი სანტიაგო აბასკალი.

პროტესტი ესპანეთის პრემიერ-მინისტრის განცხადებას მოჰყვა, რომელმაც კატალონიის დამოუკიდებლობის მომხრეების ამნისტია დააანონსა. მომიტინგეები მთავრობას, პირადი სარგებლის გამო, ქვეყნის ინტერესების დარღვევაში ადანაშაულებენ. პრემიერს მთავრობის ფორმირებისთვის სეპარატისტული პარტიის მხარდაჭერა სჭირდება.