,,სამწუხაროა, რომ ახალმა მენეჯმენტმა გადაწყვიტა გვერდი აუაროს, რეალურ პრობლემატიკაზე საუბარს”- ბაჩო დოლიძე

55
spot_img

გვექნება კონსულტაციები და ინდივიდუალურად მივიღებთ გადაწყვეტილებას, ვინ აწერს და ვინ არ აწერს ხელს, მაგრამ უფრო მნიშვნელოვანია, როგორ აპირებ ხელისუფლების, ძალაუფლების ცვლილებას, რას სთავაზობ ხალხს, – ამის შესახებ „ნაციონალური მოძრაობის“ წევრმა, ბაჩო დოლიძემ „ნაციონალური მოძრაობისა“ და მიხეილ სააკაშვილის 23 ნოემბრის მანიფესტთან დაკავშირებით განაცხადა.

მისი თქმით, ძალიან სამწუხაროა, რომ ახალმა მენეჯმენტმა გადაწყვიტა გვერდი აუაროს, რეალურ პრობლემატიკაზე საუბარს.

„ჩვენი შეთავაზება, რომელიც ორი კვირაა, საჯაროა და 40 000 ადამიანი აწერს ხელს, საერთოდ იგნორირებულია. ძალიან სამწუხაროა, რომ ახალმა მენეჯმენტმა გადაწყვიტა გვერდი აუაროს, რეალურ პრობლემატიკაზე საუბარს, თორემ პუნქტებს რომ მივყვეთ, რა ჯობია 11 თუ 13 პუნქტია ჩამოთვლილი, საწინააღმდეგო რა გაქვს, მაგრამ, რეალურად, ეს რომ პრობლემას არ აგვარებს, ამაზეა საუბარი. სულ ახლახან გავეცანით შინაარსს, გვექნება კონსულტაციები და მერე უკვე ყველანი ინდივიდუალურად მივიღებთ გადაწყვეტილებას, ვინ აწერს, ვინ არ აწერს ხელს, მაგრამ ხელის მოწერა, თუ არ მოწერა არ არის მნიშვნელოვანი, უფრო მნიშვნელოვანია როგორ აპირებ შენ ხელისუფლების, ძალაუფლების ცვლილებას, რას სთავაზობ ხალხს. ჩვენ გვჭირდება პარტია, რომელიც უსმენს ხალხს. ისე გამოვიდა, რომ 40 000-მა ადამიანმა ხელი მოაწერა დოკუმენტს, რომელიც საერთოდ ნახსენები არ არის. ასე რომ, ჩვენ ამასთან დაკავშირებით გვექნება კონსულტაციები და ინდივიდუალურ რეჟიმში მივიღებთ გადაწყვეტილებას. მისვლა არ მგონია, სწორი იყოს, მხოლოდ დისონანსს თუ გამოიწვევს ჩვენი მისვლა, რადგან მარტო მე რომ გადავწყვიტო ან ჩემმა მეგობარმა მისვლა, არ გამოვა. ბევრი ადამიანი გამოგვყვება და ნამდვილად არ მსურს, რაღაც კონკრეტულ ღონისძიებაში, რომელიც ორგანიზებულია ახალი მენეჯმენტის მხრიდან, გაუგებრობის შტრიხები შევიტანო. (მელია) თვითონ მიიღებს გადაწყვეტილებას, მე ჩემზე შემიძლია, გითხრათ, არ მგონია, მიზანშეწონილია მისვლა იქ, სადაც შეიძლება, რაღაც დისონანსი შევიტანო“, – განაცხადა ბაჩო დოლიძემ.