“სამხრეთ აფრიკა მონსტრებს იცავს და ისრაელს გენოციდში ადანაშაულებს” – ბენიამინ ნეთანიაჰუ

28
spot_img

სამხრეთ აფრიკა მონსტრებს იცავს და ისრაელს გენოციდში ადანაშაულებს, როდესაც ის გენოციდს ებრძვის. ასე გამოეხმაურა ისრაელის პრემიერ-მინისტრი ბენიამინ ნეთანიაჰუ სამხრეთ აფრიკის მიერ მართლმსაჯულების საერთაშორისო სასამართლოში ისრაელის წინააღმდეგ წარდგენილ ბრალდებებს.

ნეთანიაჰუს თქმით, ჰააგის სასამართლოში სამხრეთ აფრიკის მიერ წამოწყებული საქმე “თავდაყირა დაყენებული მსოფლიოს” ნიშანია.

“ტერორისტული ორგანიზაცია ჰოლოკოსტის შემდეგ ებრაელი ხალხის წინააღმდეგ ყველაზე საშინელ დანაშაულ სჩადის და ახლა ვიღაცა გამოდის ჰოლოკოსტის სახელით მათ დასაცავად. რა თავხედობაა.

სამხრეთ აფრიკის თვალთმაქცობას საზღვარი არ აქვს. სად იყავი შენ, სამხრეთ აფრიკავ, როდესაც სირიასა და იემენში მილიონობით ადამიანი იქნა მოკლული ან თავისი სახლებიდან გაყრილი, და ვის მიერ? „ჰამასის“ პარტნიორების მიერ…

ტყუილების უარყოფას გავაგრძელებთ, საკუთარი თავის დაცვისა და ჩვენი მომავლის უზრუნველყოფის, ჩვენი სამართლიანი უფლების დაცვას გავაგრძელებთ”, – განაცხადა ნეთანიაჰუმ.

პრემიერ-მინისტრის თქმით, ისრაელი “სრულ გამარჯვებამდე” გააგრძელებს ტერორისტებთან ბრძოლას.