“სალომე ზურაბიშვილისგან არაფერი გვიკვირს” – მამუკა მდინარაძე

13
spot_img

ჩვენ უკვე სალომე ზურაბიშვილისგან არაფერი გვიკვირს, იქიდან გამომდინარე, რომ მან გაბედა ის, რაც გაბედა ამ ქვეყანაში „ნაცმოძრაობის“ სულ 5-6-მა ყველაზე თავზეხელაღებულმა აქტივისტმა, – ამის შესახებ უმრავლესობის ლიდერმა, მამუკა მდინარაძემ ჟურნალისტებთან განაცხადა, რითაც გამოეხმაურა საქართველოს პარლამენტის მიერ „საარჩევნო კოდექსში“ მიღებულ ცვლილებებზე პრეზიდენტის, სალომე ზურაბიშვილის მიერ დადებულ ვეტოს.

მდინარაძის თქმით, პრეზიდენტი ზურაბიშვილი ჩაეწერა იმ ადამიანთა რიგში, რომლებიც არ ერიდებიან პატრიარქზე თავდასხმასაც კი.

„პრეზიდენტი გახდა „ნაცმოძრაობის“ რიგითი აქტივისტი. ის ჩაეწერა იმ ადამიანთა რიგში, რომლებიც არ ერიდებიან პატრიარქზე თავდასხმასაც კი. შესაბამისად, ჩვენ უკვე სალომე ზურაბიშვილისგან არაფერი გვიკვირს, იქიდან გამომდინარე რომ მან გაბედა ის, რაც გაბედა ამ ქვეყანაში „ნაცმოძრაობის“” სულ 5-6-მა ყველაზე თავზეხელაღებულმა აქტივისტმა, მაგალითად ბერძენიშვილმა, რომელიც ყოველთვის ებრძვის სიწმინდეებს, ადამიანებს, რომლებსაც განსაკუთრებული ღვაწლი აქვთ ქვეყნის წინაშე, პატრიარქს, ჩვენს ისტორიას და ქართულ იდენტობას. მათ რიგებში ჩაეწერა სალომე ზურაბიშვილი, რომელმაც უდიდესი ალბათობით, დავალების შესაბამისად იერიში მიიტანა საქართველოს პატრიარქზე”, – განაცხადა მამუკა მდინარაძემ.

ცნობისთვის, საქართველოს პრეზიდენტმა, სალომე ზურაბიშვილმა პარლამენტის მიერ დამტკიცებულ „საარჩევნო კოდექსში“ ცვლილებებს ვეტო დაადო.