“საკმაოდ ცუდი მაგალითები გვაქვს იმისა, როდესაც ბარიერი პრაქტიკულად არ არსებობდა”- ვოლსკი

64
spot_img

საკმაოდ ცუდი მაგალითები გვაქვს იმისა, როდესაც ბარიერი პრაქტიკულად არ არსებობდა და როგორ გამოიყენეს ეს კონკრეტულმა პოლიტიკურმა სუბიექტებმა,” – ამის შესახებ პარლამენტის პირველმა ვიცე-სპიკერმა გიორგი ვოლსკიმ განაცხადა.

 

 

„იმის ნაცვლად, რომ განვითარებულიყვნენ, ჩამოყალიბდნენ ერთ კოლექტიურ ნაცმოძრაობად და გაერთიანდნენ ერთ რევოლუციურ კომიტეტში. სხვა მიმართულება მუშაობაში არც ჰქონიათ თუ არა დესტაბილიზაციის სურვილი“, – აღნიშნა გიორგი ვოლსკიმ.

 

 

არჩევნებამდე ერთი წლით ადრე ოპოზიცია გამარჯვების საკუთარ ფორმულაზე მუშაობს. ნაწილი ხელისუფლების დამარცხებას გაერთიანებაში ხედავს, მეორე ნაწილი კი ბარიერის დაძლევას დამოუკიდებლად გეგმავს. თუმცა, ბოლო პერიოდში ჩატარებული ყველა კვლევა ერთ რამეს ამტკიცებს, რომ ერთადერთი ოპოზიციური პარტია, რომელსაც 5%-ის გადალახვის შანსი აქვს, „ნაციონალური მოძრაობაა“, რომლის რიგებშია „სტრატეგია აღმაშენებელიც“. კვლევის შედეგები მმართველ პარტიას იმის თქმის საფუძველს აძლევს, რომ ოპოზიცია დასუსტდა და საზოგადოების ნდობა მნიშვნელოვნად დაკარგა.