საარჩევნო ბარიერზე გახარიას პარტიის წარმომადგენელთა დღევანდელი განცხადება არის მცდელობა, საკუთარი თავი დაარწმუნონ, რომ მათ რაიმე შეუძლიათ-მათიკაშვილი

87
spot_img

გახარიას პარტიის წარმომადგენელთა დღევანდელი განცხადება არის მცდელობა, საკუთარი თავი დაარწმუნონ იმაში, რომ მათ რაიმე შეუძლიათ, – ამის შესახებ იურიდიულ საკითხთა კომიტეტის თავმჯდომარის პირველმა მოადგილემ დავით მათიკაშვილმა „ქრონიკაში“ ჩართვისას განაცხადა.

იგი ბარიერის გადალახვის საკითხზე ოპოზიციური პარტიების წარმომადგენლების მიერ გაკეთებულ განცხადებებს გამოეხმაურა.

მისი თქმით, გახარიას პარტიის წარმომადგენელთა დღევანდელი განცხადება ასევე წარმოადგენს მცდელობას, თავიანთი მცირე რაოდენობის მხარდამჭერებიც დაარწმუნონ, რომ ყველაფერს შეძლებენ.

„რა ციფრსაც არ მიუთითებს ხელისუფლება, ჩვენ ყველაფერს გადავლახავთო, ეს ასე არ არის. მათი კარგად იციან, რომ მუშტებს ჰაერში იქნევენ და სინამდვილეში ეს მუშტები არავის მიმართ არ არის განკუთვნილი, გამიზნული და ეს ყველაფერი თვითდაჯერებისთვისაა“, – განაცხადა მათიკაშვილმა.

მისივე თქმით, კვლევებმა აჩვენა, თუ ვის ენდობა საზოგადოება და „ქართული ოცნება“ იქნება ის ძალა, რომელიც არჩევნებში დამაჯერებლად გაიმარჯვებს.