“სააკაშვილმა ზურაბიშვილს უთხრა, ორბელიანის სასახლიდან პროცესი რუსთაველზე გადავიტანოთო, მაგრამ სალომემ უპასუხა, ორბელიანის სასახლიდან ლეიბზე გადმოსვლა არ შემიძლიაო”

44
spot_img

ინფორმაცია მაქვს, რომ მიხეილ სააკაშვილმა სალომე ზურაბიშვილს უთხრა, ორბელიანის სასახლიდან რამენაირად პროცესი რუსთაველის გამზირზე გადავიტანოთო, მაგრამ ქალბატონმა სალომემ უპასუხა – ორბელიანის სასახლიდან ლეიბზე გადმოსვლა არ შემიძლიაო, – ამის შესახებ საქართველოს პარლამენტის დიასპორის კომიტეტის თავმჯდომარემ, ბექა ოდიშარიამ განაცხადა.

როგორც ბექა ოდიშარიამ აღნიშნა, რუსთაველის გამზირის გადაკეტვას განსაკუთრებული მიზეზი უნდა ჰქონდეს, ასეთი იყო 9 აპრილი, 7 ნოემბერი, როცა ადამიანებს მართლა სული ამოხადეს.

„არ მგონია, რომ ასეთი სულელური მოწოდებები სალომე ზურაბიშვილმა გამოიყენოს. რუსთაველის გამზირზე რა პროცესები უნდა გადაიტანოს? საბაბი რა არის? თბილისელებს მთავარ გამზირს რატომ უკეტავენ? – საშინელ აგრესიას მიიღებენ. მათ საკუთარი სასახლეებიდან მართლა კინწის კვრით გამოყრიან. რუსთაველის გამზირის გადაკეტვას განსაკუთრებული მიზეზი უნდა ჰქონდეს, ასეთი იყო 9 აპრილი, 7 ნოემბერი, როცა ადამიანებს მართლა სული ამოხადეს და იყო ტირანია, ყოველი მესამე პრობაციონერი იყო. დღეს რა მიზეზი აქვთ? – ეკონომიკური პრობლემები გვაქვს და ვაღიარებთ, რაც გარშემო შექმნილი პრობლემების მთელი თაიგულია. ნახეთ, სხვადასხვა ქვეყნებში რა ხდება. ახლო აღმოსავლეთი ცეცხლის ალშია გახვეული, ევროპის შუაგულში დაპირისპირებაა. საქართველოში მშვიდობაა და ამას გავუფრთხილდეთ. რაღა დარჩა სააკაშვილს, ცოტა ხანიც გაუძლოს ოროთახიან პალატაში ყოფნას და გამოვა. საქართველოში ზოგიერთი ადამიანი ერთოთახიანში ცხოვრობს, ზოგი თავშესაფარში. მამუკა ხაზარაძეს ხან მევახშეს ეძახდა, ხან ემისარს და ლეგატს ევროპასა და ამერიკაში, რომ მას პროცესების პედალირება მოეხდინა. სააკაშვილს მოვუწოდებ, ქართველ ხალხს ნუ აღიზიანებს. ქართველი ხალხის რისხვის მეშინია. ყველა ნორმალურ ადამიანს უნდა ეშინოდეს“, – განაცხადა ოდიშარიამ.