მესმის, ახლა ვიღაცებს უნდათ, თანამდებობების თემაზე ჩაგვციკლონ, მაგრამ ჩვენ გვაინტერესებს ხალხი, მათთან საუბარი, მსჯელობა და მთელი ერის, ქართული ეროვნული ენერგიის კონსოლიდაცია, რათა საქართველო იყოს ძლიერი, რეგიონის ლიდერი, ევროკავშირის წევრი, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ ჟურნალისტებს „სტრატეგია აღმაშენებელის“ და „ნაციონალური მოძრაობის“ მიერ დაფუძნებულ „გამარჯვების პლატფორმასთან“ დაკავშირებით განუცხადა.
ვაშაძის თქმით, მათი სტრატეგია არის მხოლოდ გამარჯვება.
ამასთან, ექნება თუ არა კომუნიკაცია მიხეილ სააკაშვილთან და შეათანხმებს თუ არა მასთან გადაწყვეტილებებს, ვაშაძემ აღნიშნა, რომ სააკაშვილთან მას აქამდეც ჰქონდა კომუნიკაცია.
„რაც შეეხება მიხეილ სააკაშვილს, მე მასთან მქონდა კომუნიკაცია. ვაპირებ, გავაგრძელო კომუნიკაცია, რადგან „ნაციონალური მოძრაობა“ არის მიშას პარტია და მიხეილ სააკაშვილი დღეს არის სიმბოლო დასავლური ცივილიზაციის ბრძოლის რუსულ ტერორისტულ რეჟიმთან და მას აუცილებლად გავათავისუფლებთ. გაერთიანების პირველი ეტაპი იქნება სექტემბერ-ოქტომბერში. ნახავთ ახალ ადამიანებს. ჩვენ მძლავრი დაგეგმვის ფაზაში ვართ“, – განაცხადა ვაშაძემ.
