მტრის ქვედანაყოფები საომარ მოქმედებებში მონაწილეობაზე მასობრივ უარს ამბობენ, – ამის შესახებ უკრაინის შეიარაღებული ძალების გენერალურმა შტაბმა, მიმდინარე საღამოს გამართულ ბრიფინგზე განაცხადა.
მათივე ცნობით, ათობით რუსმა ჯარისკაცმა ზაპოროჟიეში ბრძოლაზე უარი თქვა.
„უკრაინის თავდაცვის ძალების წარმატებული საბრძოლო ოპერაციების ფონზე და ოკუპანტის ცოცხალი ძალის მნიშვნელოვანი დანაკარგების გამო, რუსეთის საოკუპაციო ძალების ქვედანაყოფები უარს ამბობენ საბრძოლო ოპერაციებში მონაწილეობაზე. კერძოდ, 20-მდე რუსმა ჯარისკაცმა უარი თქვა ზაპოროჟიეს რაიონის სოფელ როზივკაში, წინა პოზიციებზე საბრძოლო დავალების შესრულებაზე“, – ნათქვამია გენშტაბის განცხადებაში.
