რუსეთსა და აშშ-ს შორის ურთიერთობები ღია შეიარაღებული კონფლიქტის ზღვარზეა, – ამის შესახებ რუსეთის საგარეო საქმეთა მინისტრის მოადგილემ, სერგეი რიაბკოვმა განაცხადა.
„ჩვენ ვმუშაობთ, რათა შეერთებულ შტატებთან ურთიერთობა არ ჩავარდეს ღია შეიარაღებული კონფლიქტის უფსკრულში, ჩვენ უკვე ვართ ზღვარზე, ამ უფსკრულის ზღვარზე“, – განაცხადა სერგეი რიაბკოვმა.
რუსეთის საგარეო საქმეთა მინისტრის მოადგილის განცხადებით, მოსკოვსა და ვაშინგტონს შორის კონტაქტები მიმდინარეობს საჭიროებისამებრ, მათ შორის მაღალ დონეზე.
ამასთან, კრემლზე უკრაინული თვითმფრინავის თავდასხმის შესახებ გავრცელებული ინფორმაციის შემდეგ აშშ-ის რეაქციას სერგეი რიაბკოვმა საგარეო პოლიტიკის საფუძვლების უგულებელყოფა უწოდა.
