რუსეთის უკრაინაში შეჭრის შემდეგ პირველად ლავროვი ნატოს წევრ ქვეყანას ეწვევა

90
spot_img

რუსეთის საგარეო საქმეთა მინისტრი სერგეი ლავროვი ეუთოს კონფერენციაზე დასასწრებად, 3 დეკემბრამდე გეგმავს ჩრდილოეთ მაკედონიაში გამგზავრებას. ეს იქნება მისი პირველი ვიზიტი ნატოს წევრ ქვეყანაში მას შემდეგ, რაც მოსკოვმა უკრაინაში ჯარები გაგზავნა 2022 წლის 24 თებერვალს. ამის შესახებ Euronews წერს.

ცნობისთვის, რუსეთი არის ევროპის უსაფრთხოებისა და თანამშრომლობის ორგანიზაციის (ეუთოს) 57 წევრიდან ერთ-ერთი, რომელიც შეიქმნა ცივი ომის დროს აღმოსავლეთ-დასავლეთის დაძაბულობის განმუხტვისათვის და ჩრდილოეთ მაკედონიამ, რომელსაც ჯგუფის ამჟამინდელი თავმჯდომარეა, გასულ კვირას ლავროვი ეუთოს საგარეო საქმეთა მინისტრების შეხვედრაზე მიიწვია, რომელიც 30 ნოემბერს დაიწყება სკოპიეში.

ნატოს წევრებმა აკრძალეს ფრენები რუსეთიდან მას შემდეგ, რაც მოსკოვმა სამხედრო მოქმედება დაიწყო უკრაინაში 2022 წლის თებერვალში. ჩრდილოეთ მაკედონიაში მისასვლელად ლავროვის თვითმფრინავს ბულგარეთის ან საბერძნეთის საჰაერო სივრცეში ფრენა დასჭირდება, რომლებიც ასევე დასავლეთის სამხედრო ალიანსს ეკუთვნის.

ბულგარეთის საგარეო საქმეთა სამინისტრომ ეს გამონაკლისი დაუშვა და 27 ნოემბერს განაცხადა, რომ მან ლავროვის თვითმფრინავის ბულგარეთის საჰაერო სივრცის გავლით ფრენის გამონაკლისი ნებართვა მისცა, თუმცა მათივე განცხადებით, ნებართვა არ ვრცელდება რუსეთის სხვა დელეგაციის წევრებზე, რომლებიც ასევე არიან სანქცირებული პირები, ევროკავშირის მოქმედი კანონმდებლობის შესაბამისად.