რუსეთის დუმამ რუსეთსა და ოკუპირებულ აფხაზეთს შორის ორმაგი მოქალაქეობის შესახებ ე.წ. შეთანხმების რატიფიცირება მოახდინა

212
spot_img

რუსეთის სახელმწიფო დუმამ რუსეთსა და ოკუპირებულ აფხაზეთს შორის ორმაგი მოქალაქეობის შესახებ ე.წ. შეთანხმების რატიფიცირება მოახდინა.

ინფორმაციას რუსული მედია ავრცელებს.

აღნიშნული გადაწყვეტილების მიხედვით, რუსეთის მოქალაქეებს შეეძლებათ, აფხაზეთის ე.წ. მოქალაქეობის მიღება რუსეთის ფედერაციის მოქალაქეობაზე უარის თქმის გარეშე და პირიქით.

ე.წ. დოკუმენტს ხელი მოეწერა მოსკოვში 2022 წლის 27 სექტემბერს. რუსეთსა და საოკუპაციო რეჟიმს შორის ე.წ. შეთანხმება სახელმწიფო სათათბიროს რატიფიცირებისთვის რუსეთის პრეზიდენტმა, ვლადიმერ პუტინმა 31 მაისს წარუდგინა.