რუსეთის 7 რეგიონზე დრონების მასშტაბური თავდასხმა მოხდა. რუსეთის თავდაცვის სამინისტროს მტკიცებით, ღამის განმავლობაში ქვეყნის მასშტაბით 25 უკრაინული დრონი გაანადგურეს. მათი სამიზნე მოსკოვის, პეტერბურგის, კურსკის, ტულისა და ბრიანსკის ოლქებში მდებარე ენერგოობიექტები იყო.
თავდაცვის უწყების ცნობით, ბელგოროდის ოლქში ჰაერსაწინააღმდეგო სისტემებით უკრაინული რაკეტების შეტევაც მოიგერიეს. ორლოვსკისა და ნიჟეგოროდის ოლქებში, დრონების იერიშის გამო, ნავთობგადამამუშავებელ ქარხნებში ძლიერი ხანძარი გაჩნდა. ადგილზე საგანგებო სიტუაციების სამსახური მუშაობს.
