“რუსებო, რას მიეთრევით საქართველოში? იქ ფული მიგაქვთ” – ოლგა სკაბეევა

176
spot_img

რუსებო, რას მიეთრევით საქართველოში? იქ ფული მიგაქვთ – განაცხადა რუსმა ჟურნალისტმა და პროპაგანდისტმა, ოლგა სკაბეევამ. ინფორმაციას ამის შესახებ „ეხო კავკაზა” ავრცელებს.

გამოცემის ცნობით, სკაბეევამ კომენტარი გააკეთა საკრუიზო ლაინერ Astoria Grande-ს ბათუმის პორტში შესვლის გამო განვითარებული მოვლენების შესახებ. იგი უკმაყოფილოა, რომ შეურაცხყოფის მიუხედავად, რუსი ტურისტები საქართველოში მოგზაურობენ და ფულს ხარჯავენ.

„რუსებო, რას მიეთრევით საქართველოში? იქ ფული მიგაქვთ. რამდენ შეურაცხყოფას და სიბინძურეს ხვდებით იქ ყოველ ჯერზე და ამის მიუხედავად რუსი ტურისტები ამ დანაშაულებრივი რეჟიმის სპონსორობას მაინც განაგრძობენ.” – განაცხადა ოლგა სკაბეევამ.

ბათუმის ნავსადგურში საკრუიზო ლაინერის გამოჩენას საპროტესტო აქცია მოჰყვა. ლაინერი ნავსადგურში 31 ივლისს დილის 06:00 საათისთვის შევიდა. დღის განმავლობაში რუსი ტურისტების ჩამოსვლას საზოგადოების წარმომადგენლებთან ერთად ოპოზიციის ნაწილიც აპროტესტებდა. დღის განმავლობაში აქციის მონაწილეებსა და სამართალდამცველებს შორის დაპირისპირება რამდენჯერმე მოხდა. ლაინერმა ქალაქი ხმაურის ფონზე დატოვა.