“რუსების სიცრუე და დეზინფორმაციები:უკრაინა, ისრაელი და “ჰამასი”

110
spot_img

აშშ-ის სამაუწყებლო კომპანიის „ამერიკის ხმის“ (Voice of America) უკრაინული სამსახური თავის ვებ-გვერდზე აქვეყნებს ინტერვიუს უკრაინის დაზვერვის მთავარი დირექტორატის წარმომადგენელ ანდრეი იუსოვთან, სათაურით „რუსების სიცრუე და დეზინფორმაციები: უკრაინა, ისრაელი და „ჰამასი“ (ესაუბრება ჟურნალისტი მარია ულიანოვსკაია).

გთავაზობთ პუბლიკაციის მოკლე მიმოხილვას:

„ჩვენ გვაქვს ინფორმაცია, რომ უკრაინაში ნადავლის სახით მოპოვებული იარაღის ნაწილი, [რუსეთის მიერ] უკვე გადაეცა „ჰამასის“ ტერორისტ წარმომადგენლებს“, – ამბობს ანდრეი იუსოვი. მისი თქმით, რუსეთი ცდილობს, ისრაელზე „ჰამასის“ თავდასხმა, უკრაინის საწინააღმდეგო საინფორმაციო კამპანიისთვის გამოიყენოს.

„ჩვენ გვაქვს ინფორმაცია, რომ რუსეთის სპეცსამსახურები, რუსეთი, როგორც აგრესორი სახელმწიფო და მისი პარტნიორები და სატელიტები, კერძოდ გავლენის აგენტები, იწყებენ მორიგ ანტიუკრაინულ კამპანიას, რათა ისრაელზე ბოლო დროს განხორციელებული ტერორისტული თავდასხმები, უკრაინის წინააღმდეგ გამოიყენონ. განსაკუთრებით, მისი დისკრედიტაციისთვის თავისუფალი სამყაროს, ჩვენი პარტნიორებისა და მოკავშირეების თვალში, რათა ამან ხელი შეუშალოს ან გაართულოს, შემდგომი სამხედრო დახმარების გაწევა“, – აცხადებს ანდრეი იუსოვმა, – რუსეთი ამას ინფორმაციული და ფსიქოლოგიური სპეცოპერაციის“ წარმართვის მიზნით აკეთებს, რათა განავითაროს მოსაზრება, თითქოს, „უკრაინამ, ვიღაცას, რაღაც მიჰყიდა“.

„ეს, რა თქმა უნდა, ფალსიფიკაციას და პროვოკაციას წარმოადგენს. ჩვენ ვხედავთ, თუ როგორ შეუერთდნენ უკრაინის დისკრედიტაციის ამ კამპანიას რეჟიმის ოფიციალური წარმომადგენლები, რუსეთის მაღალი რანგის მქონე პირები“, – აღნიშნავს ანდრეი იუსოვი, – „უკრაინისთვის გაწეული დახმარება და ყველა შეიარაღება, ჩვენი პარტნიორების, შეერთებული შტატების და ევროკავშირის ქვეყნების, ნატოს მიერ, მკაცრ კონტროლს ექვემდებარება. ამ კონტროლის შედეგები და შემოწმების შედეგები არაერთხელ დაფიქსირდა. უკრაინა არის მაქსიმალურად გამჭვირვალე და ღია“.

უკრაინელი მაღალჩინოსანი, „ამერიკის ხმას“ ეუბნება, რომ გავრცელებული ცნობები, „უკრაინის წინააღმდეგ ომის გაგრძელება და მიუღებელი პროვოკაციებია, ამჯერად საერთაშორისო საინფორმაციო პოლიტიკის ველზე“.

წყარო