როცა 4 მოსამართლე დაასანქცირეს, არ მოერიდნენ გვარებისა და სახელების დასახელებას და ახლა რატომ ერიდებიან – ჩემთვის გაუგებარია – ეკა სეფაშვილი

40
x
spot_img

უცნაური სანქცირება – ასე აფასებს პარტია „ხალხის ძალის“ საერთაშორისო მდივანი ეკა სეფაშვილი აშშ-ის მიერ სანქციების პირველ პაკეტს.

დეპუტატის თქმით, უცნაურია როდესაც ოთხი დასანქცირებული მოსამართლე აშშ-მა დაასახელა, ახლა კი ამას აერიდებიან. ეკა სეფაშვილი განმარტავს, რომ სავიზო შეზღუდვის ვიზის აღების დროს გაგება ახალი არ არის და ბევრი წელია საქართველოს მოსახლეობას ეხება, ვინაიდან საქართველო აშშ-ის სავიზო განცხადებების დაკმაყოფილებით ერთ-ერთ ბოლო ადგილზეა.

„სანქციებს რაც შეეხება, ცოტა არ იყოს უცნაური გაუმჭვირვალე სანქციებია დაწესებული ამერიკის მხრიდან. როცა 4 მოსამართლე დაასანქცირეს, არ მოერიდნენ გვარების და სახელების დასახელებას და ახლა რატომ ერიდებიან ჩემთვის გაუგებარია.

ასეთი ტიპის სანქციები, როდესაც ვიზის აღების დროს იგებს ადამიანი, რომ თურმე, დასანქცირდა, ფაქტობრივად, საქართველოს მთელ მოსახლეობას აქვს. როგორც იცით, საქართველო აშშ-ის სავიზო განცხადებების დაკმაყოფილების თვალსაზრისით, ერთ-ერთ ბოლო ადგილზეა. განცხადებების დაახლოებით 37% კმაყოფილდება. ასე, რომ ამაში განსაკუთრებული არაფერია, ისედაც საქართველოს მოსახლეობის უმრავლესობა ვერანაირად იღებდა ამერიკის ვიზას. ამიტომ ვამბობ, რომ ძალიან უცნაური დასანქცირებაა.

უცნაურია იმიტომ, რომ 84-მა დეპუტატმა მისცა ხმა ამ კანონს და როგორ მოახდინეს არჩევა? ზოგმა მეტად მისცა ხმა და ზოგმა ნაკლებად? უცნაური ნაბიჯია აშშ-ის მოქმედი ადმინისტრაციის მხრიდან. რამდენიმე დღის წინ, სახელმწიფო მდივანმა ბლინკენმა გამოაცხადა ორმხრივი ურთიერთობების სრული გადახედვა და გადახედვის დაწყება ასეთი ნაბიჯით, ცოტა უცნაურად მეჩვენება“, – აცხადებს ეკა სეფაშვილი.