რომის პაპი აცხადებს, რომ მსოფლიო კლიმატის ცვლილებების გამო კოლაფსის ზღვარზეა

360
spot_img

რომის პაპის თქმით, მსოფლიო კლიმატის ცვლილებების გამო კოლაფსის ზღვარზეა. „ბიბისის“ ცნობით, ფრანცისკემ მკაცრად გააკრიტიკა გლობალური გადაწყვეტილებების მიმღები ორგანიზაციები და მათ არაეფექტური უწოდა.

პონტიფიკოსმა ასევე გაკიცხა ის ადამიანები, ვისაც კლიმატის ცვლილებების არ სჯერა.

პაპის თქმით, კლიმატისთვის მიყენებული ზიანის ნაწილი აღდგენას არ ექვემდებარება და იმის უარყოფა, რომ გარემოს ცვლილებათა ნაწილი ადამიანების ქმედებებითაა გამოწვეული, შეუძლებელია.

რომის პაპის განცხადებაში ასევე გაკიცხულია დასავლეთში გავრცელებული „უპასუხისმგებლო ცხოვრების წესი“.

მისი თქმით, თითოეულ ადამიანზე გაანგარიშებით სათბური აირების ემისიის რაოდენობა აშშ-ში ორჯერ მეტია, ვიდრე ჩინეთში და შვიდჯერ მეტია ღარიბ ქვეყნებთან შედარებით.

„ფართო ცვლილებების შეტანა დასავლურ სამყაროსთან დაკავშირებულ უპასუხისმგებლო ცხოვრების წესში, მნიშვნელოვანი გრძელვადიანი შედეგის მომტანი იქნება“, – აცხადებს ფრანცისკე.