როგორი ამინდია მოსალოდნელი ზღვისპირეთში

76
spot_img

მეტეოროლოგი კობა ფარტენაძე უქმე დღეების ამინდის პროგნოზზე სოციალურ ქსელში წერს.

„შავი ზღვის სანაპიროზე ზღვა ისეთივე თბილია, როგორც მალდივებში: +27…+29 °С, ასევე მთელი ქვეყნის ტერიტორიაზე ამინდი სრულიად ხელსაყრელია ბუნების წიაღში დასვენებისთვის….

თუ პროგნოზს გადავხედავთ, შაბათ-კვირას სკანდინავიური ანტიციკლონი აღადგენს პლაჟის ამინდის „სტატუს-კვოს“, მოსალოდნელია მზიანი და ცხელი ამინდი, ტემპერატურა +30 გრადუსთან ახლოს იქნება, სითბოს შეგრძნებითი ინდექსი +34 გრადუსი (ტენიანობის გავლენით).

რაც შეეხება დასავლეთის დაბლობსა და აღმოსავლეთის ბარს, მიმდინარე შაბათ-კვირას სანაპიროსგან განსხვავებით, ტემპერატურა უფრო მაღალი იქნება +34, +36 გრადუსი, მაგრამ გვიან დღის ბოლოს შესაძლებელია ხანმოკლე წვიმა.“ – წერს მეტეოროლოგი.