როგორ უნდა უღირდეს ვოკერს, რომ შეხვდეს კეზერაშვილს?! თურმე, უღირს! ასევე, ზოგიერთ ევროპარლამენტარებს უღირთ და ეს გვარები მართლაც, უნდა იყოს ჩამოწერილი და გახმოვანებული, – ამის შესახებ „მართვის სტრატეგიული ინსტიტუტის“ ხელმძღვანელმა, პეტრე მამრაძემ გადაცემაში „იმედი LIVE“ განაცხადა.
მისი თქმით, თავდაცვის ყოფილი მინისტრი, დავით კეზერაშვილი ქართულმა სასამართლომ გაასამართლა და 10 წელი მიუსაჯა.
„იცით, 5,060 მლნ ლარი როგორაა გაფლანგული – ხელმოწერილია, რომ უნდა ჩატარდეს წვრთნები და ეს თანხა ამ წვრთნებისთვისაა და საერთოდ არ ჩატარებულა. იმიტაციაც არ გაუკეთებიათ, როგორც ეს სხვა დროს იყო. ახლახან, თავდაცვის მინისტრმა თქვა, რომ ეს მხოლოდ ზღვაში წვეთია, ისეთი რაღაცებია. ჩვენ ყველამ კარგად ვიცით, რამდენი ფული ჩამოწერეს ჯერ კიდევ 2008 წლის აგვისტოში. კეზერაშვილს ამნისტიის შემდეგ 5 წელი დარჩა და ამის ფონზე კურტ ვოკერი, რომელიც ცნობილი დიპლომატია. ბოლოდ იგი აშშ-ის წარმომადგენელი იყო უკრაინაში. იგი კეზერაშვილს ლონდონში ხვდება. ეს ადამიანები როგორი ფრთხილი არიან, როგორ გაურბიან ნებისმიერი დონის შეხვედრას, როდესაც იციან, რომ ადამიანის რეპუტაცია შელახულია. თუნდაც უსამართლოდ შელახული როცაა! მთავარია, რომ შელახულია. შეხვდა და ამის ფოტოები არსებობს. მე მაშივე დავსვი კითხვა – როგორ უნდა უღირდეს ვოკერს, რომ შეხვდეს ამ ადამიანს?! თურმე, უღირს! ზოგიერთ ევროპარლამენტარებს უღირთ და ეს გვარები მართლაც, უნდა იყოს ჩამოწერილი და გახმოვანებული. ყველას ხომ ვერ დაიმახსოვრებ?!
თურმე, კეზერაშვილი იდევნება იმის გამო, რომ არის დამოუკიდებელი მედიის მესვეური. ნახეთ, რა საინტერესოა: საქართველოში რურუა იმიტომ იდევნებოდა, რომ მასმედიის დამფინანსებელი იყო. ხომ ვიცით, ვინც არის?! გვარამია და აგერ, კეზერაშვილი. ანუ, სხვა მასმედიის ხელმძღვანელი არ ყოფილ, რომ იდევნებოდეს?!, – განაცხადა მამრაძემ.
