როგორ გაიყო პოსტსაბჭოთა რესპუბლიკების საზოგადოება: მოლდოვა და საქართველო – პუტინის მომხრეები და მოწინააღმდეგეები

117
spot_img

გერმანული ფედერალური ტელეარხის „ცე-დე-ეფ“-ის (2DF//ZDF – Zweites Deutsches Fernsehe) ეთერში ორ ივლისს გადაიცა ვრცელი ვიდეოსიუჟეტი მოლდოვასა და საქართველოს შესახებ, რომლის ტექსტი ვებ-გვერდზე გამოქვეყნდა სათაურით: „როგორ არის(ავტორი – სებასტიან ემი).

ვიდეოსიუჟეტი იწყება მოლდოვაში შექმნილი სიტუაციის მიმოხილვით:

„დღეს მოლდოვური საზოგადოება გაყოფილია ისე რადიკალურად, როგორც არასდროს: მოსახლეობის დაახლოებით ნახევარს სურს, რომ ქვეყანა რაც შეიძლება სწრაფად გაწევრიანდეს ევროკავშირში, მათ არაფერი საერთო არ უნდათ რუსეთთან, მაგრამ მეორე ნახევარი რუსეთთან ახლო ურთიერთობის მომხრეა. მოწინააღმდეგეები უფრო მეტად ქალაქებშია – ისინი შიშობენ, რომ რუსეთი უკრაინის ერთად მოლდოვასაც თავს დაესხმება. სოფლებში კი პირიქით – მომხრეებს მიაჩნიათ, რომ რუსეთთან ურთიერთობა ბევრი სიკეთის მომტანია, მაგალითად, ენერგეტიკით (იაფფასიანი გაზით) უზრუნველყოფის სფეროში“, – აღნიშნავს კორესპონდენტი და მოლდოვას მოსახლეობის წარმომადგენლებს ესაუბრება – ქალაქისა და სოფლების მცხოვრებლებს.

რეპორტაჟი საქართველოდან:

„ევროკავშირში გაწევრიანება საქართველოსაც სურს, მაგრამ რუსეთს ამის დაშვება არ უნდა. 2008 წლის აგვისტოს ომის დროს რუსეთმა საქართველოს – სამხრეთკავკასიური ქვეყნის ტერიტორიის 20% ოკუპირება მოახდინა. რუსული ტანკები თბილისიდან – საქართველოს დედაქალაქიდან რამდენიმე კილომეტრის მოშორებით იდგნენ. ამიტომაც ბევრი ქართველი უკრაინის მომხრედ გამოდის. შეიძლება ითქვას, რომ რუსეთსა და საქართველოს შორის დაძაბულობა დაპროგრამებულია… თუმცა, როგორც კი რუსეთის არმია უკრაინაში შეიჭრა, ათი ათასობით რუსი სწორედ საქართველოში გამოიქცა“, – აღნიშნავს ტელეჟურნალისტი სებასტიან ემი, რომელიც თბილისში იმყოფება და ქართული საზოგადოების ოპოზიციურად განწყობილ წარმომადგენლებს ესაუბრება – გირჩის“ აქტივისტს ბადრი გრიგალაშვილს, „ლელოს“ ლიდერს მამუკა ხაზარაძეს (ვიდეოსიუჟეტში რატომღაც ხელისუფლების – მმართველი პარტიის – მომხრეები არ ჩანან).

გერმანელი ჟურნალისტის თქმით, ოპოზიცია ხელისუფლებას პრორუსულობაში სდებს ბრალს და აცხადებს, რომ საქართველოს მთავრობა არასაკმარისად აკრიტიკებს რუსეთს უკრაინაში შეჭრის გამო და დასავლური ანტირუსული სანქციებისადმი მიერთებისაგან მეტწილად თავს იკავებს. გარდა ამისა, რუსების მოზღვავებამ საქართველოში ნეგატიური შედეგები მოიტანა – მკვეთრად გაიზარდა ფასები საცხოვრებელ ფართობზე. ვიდეოსიუჟეტის ავტორი ესაუბრება სტუდენტ გიორგის, რომელიც, საცხოვრებელი ბინის ქირავნობის მაღალი ფასების გამო ძალიან რუსების მიმართ ძალიან ნეგატიური განწყობა აქვს.

„რასაკვირველია, რუსების საქართველოში მომრავლება ქართული საზოგადოების ანტირუსულ დამოკიდებულებას აძლიერებს. ეკატერინა, რომელიც ომის წინააღმდეგ არის განწყობილი და რუსეთიდან ვლადიმერ პუტინის რეჟიმს გასული წლის მარტში გამოექცა, ამბობს, რომ მას სამშობლოში მოღალატედ თვლიან, ხალხის მტრად და უცხოელ აგენტად.

„ემიგრაცია სასიამოვნო და კარგი არ არის. რაც არ უნდა იყოს, საქართველო ჩემთვის მაინც უცხო ქვეყანას წარმოადგენს, უცხო ხალხს, ახალ ცხოვრებას, რომლის მიჩვევას ხშირად ხანგრძლივი დრო ჭირდება“, – ამბობს კატერინა. კიდევ ერთი რუსი მიგრანტი – ალექსანდრე, გერმანელ ჟურნალისტთან საუბარში აცხადებს, რომ იგი აშკარად გრძნობს ქართველების ანტირუსულ დამოკიდებულებას: „ადგილობრივ მოსახლეობას ეშინია, რომ რუსეთის არმია საქართველოში თავმოყრილი რუსების უფლებების დაცვის მოტივით ისევ შემოიჭრება“.

მოკლედ, ქართველებს მიაჩნიათ, რომ სწორედ რუსების მიერ გამოწვეული ფასების ზრდის გამო ზარალდებიან, რუსები კი საქართველოში თავს ბედნიერად არ თვლიან და გრძნობენ, რომ მათ მიმართ დაძაბული განწყობაა შექმნილი. როგორც ხშირად ხდება ხოლმე, ასეთ ომში გამარჯვებული არ ჩანს“, – ასკვნის გერმანელი ჟურნალისტი ვიდეოსიუჟეტის დასასრულს.

წყარო