აშშ-ის კონგრესის წარმომადგენელთა პალატის რესპუბლიკელი წევრები უკვე ამ კვირაში გეგმავენ, რომ ქვეყნის მოქმედი პრეზიდენტის, ჯო ბაიდენის იმპიჩმენტის პროცედურის საკითხი განსახილველად გაიტანონ. ამის შესახებ Wall Street Journal-ი წერს.
გამოცემის ცნობით, ისინი ბაიდენის იმპიჩმენტის შესახებ გამოძიების ფორმალიზებას მოითხოვენ. როგორც სტატიაშია აღნიშნული, რესპუბლიკელებმა უკვე რამდენიმე თვე დახარჯეს იმის მცდელობაში, რომ ბაიდენსა და მისი ნათესავების ბიზნესს შორის კავშირი იპოვონ და ბრალდებისთვის მტკიცებულება მოიპოვონ.
ამასთან, როგორც Wall Street Journal-ი წერს, მათ ჯერ ვერ იპოვეს ისეთი მტკიცებულებების წარდგენა, რომელიც ბაიდენის შესახებ მათ ყველაზე მწვავე განცხადებებს ადასტურებს.
წარმომადგენელთა პალატის სპიკერის, მაიკ ჯონსონის განცხადებით, ბაიდენის იმპიჩმენტის პროცედურის შესახებ კენჭისყრა „აუცილებელი ნაბიჯია“, რადგან მისი თქმით, თეთრი სახლის ადმინისტრაცია ხელს უშლის პრეზიდენტის ოჯახის წევრების საქმიანობის შესახებ გამოძიებას.
როგორც ჯონსონმა განმარტა, რესპუბლიკური პარტიის წარმომადგენლებს საკმარისი ხმები აქვთ იმისთვის, რომ კენჭისყრა ჩატარდეს.
