რაზე იმსჯელებს დღეს სინოდი – ანდრია ჯაღმაიძის განმარტება

123
spot_img
საპატრიარქოს საზოგადოებასთან ურთიერთობების სამსახურის ხელმძღვანელის, დეკანოზ ანდრია ჯაღმაიძის განცხადებით, რა საკითხებზე იმსჯელებენ სინოდის წევრები დღევანდელ სხდომაზე, წინასწარ უცნობია, თუმცა არ არის გამორიცხული, რომ ზოგადად მიმდინარე ომის საკითხს გამოეხმაურონ.
„ომი ისეთი თემაა, რომ გლობალურია, ძალიან მასშტაბური და ყველას გვეხება. არ არის გამორიცხული, რომ ამას გამოეხმაუროს სინოდი”, – განაცხადა ანდრია ჯაღმაიძემ.
მან უპასუხა შეკითხვას, თვითონ მეუფე შიოს ჰქონდა თუ არა სურვილი, რომ ყველა ეპისკოპოსი დასწრებოდა სინოდის დღევანდელ სხდომას, მათ შორის საზღვარგარეთ მოღვაწე უმაღლესი იერარქიის სასულიერო პირები.
„მე არ მესმის, რისი მომტანია ეს სპეკულაციები. მთავარი თემა არის ის, რომ პატრიარქი იწვევს სინოდს და არა მეუფე შიო და თუ იწვევს, ეს ნიშნავს იმას, რომ ყველა უნდა მოვიდეს, სადაც არ უნდა იყოს. სინოდის სხდომაზე არდასწრება უნდა იყოს საპატიო მიზეზით განპირობებული. არაფერი განსაკუთრებული არ არის იმაში, თუკი პატრიარქის მოწვევა მიიღეს და ჩათვალეს, რომ უნდა ჩამოვიდნენ. ბუნებრივი ამბავია, მაგრამ მეუფე შიოს არ მოუწვევია”, – განაცხადა ანდრია ჯაღმაიძემ.
რაც შეეხება ცალკეული თეოლოგების განცხადებებს, ჯაღმაიძის თქმით, მათი განცხადებები არ არის საინტერესო, რადგანაც მუდმივად ისმის სპეკულაციები.
“სულ რაღაცა პროგნოზებია, რომელიც რაღაც სკანდალს ემსახურება, სხვა არაფერს”, – განაცხადა ანდრია ჯაღმაიძემ.
საპატრიარქოს ინფორმაციით, სინოდის სხდომა დღეს 12:00 საათზეა ჩანიშნული.b