რამზან კადიროვი, მარგარიტა სიმონიანის მხარდასაჭერად განცხადებას ავრცელებს

729
spot_img
რამზან კადიროვი მარგარიტა სიმონიანის მხარდასაჭერად ტელეგრამ არხზე ვრცელ განცხადებას ავრცელებს:
“კარგად ვიცნობ მარგარიტა სიმონიანს და უფრო კარგად ვიცი მისი პრინციპული პოზიცია. ის ნამდვილი პატრიოტია, რომელიც ნებისმიერ პლატფორმაზე ეროვნულ ინტერესებს იცავს. მის განცხადებებზე აჟიოტაჟის ატეხის ნაცვლად, თავი დამცველებად და ქველმოქმედებად რომ მოგაქვთ, სჯობს სასარგებლო საქმით დაკავდეთ და “ნატოსა” და ნეონაციზმის წინააღმდეგ ბრძოლაში ხელშესახები წვლილი შეიტანოთ.
მარგარიტა სიმონიანი ისეთი სულელი არ არის, რომ საკუთარ ტერიტორიაზე ბირთვული დარტყმა შემოგვთავაზოს. ნებისმიერ ასეთ გადაწყვეტილებას უმაღლესი მთავარსარდალი იღებს, იმ უამრავი ფაქტორის გათვალისწინებით, რაც შეიძლება სახელმწიფოს ემუქრებოდეს. ეს შესანიშნავად იცის მარგარიტამაც და ნებისმიერმა საღად მოაზროვნემ. მის მიერ მოყვანილი მაგალითი ნიშნავს, რომ მოვლენების ასეთი არახელსაყრელი განვითარებითაც კი, რუსეთი, დანარჩენ მსოფლიოსთან შედარებით, სტრატეგიულად არ წააგებს.” – წერს კადიროვი.
ცნობისთვის, სიმონიანმა საკუთარ საავტორო გადაცემაში განაცხადა, რომ ციმბირში ბირთვული ბომბის ჩამოგდება დასავლეთის დასასჯელად კარგი იდეაა. მისივე მტკიცებით, აფეთქება მომაკვდინებელი არ იქნება, რადგან ამის შესახებ მას “ერთმა ჭკვიანმა ადამიანმა” უთხრა.