საპარლამენტო უმრავლესობის წევრი ირაკლი ზარქუა აცხადებს, რომ ალეკო ელისაშვილის საქციელი კომენტარის ღირსიც კი არ არის.
ზარქუა ალეკო ელისაშვილის ქმედებას ლაჩრულს უწოდებს და ამბობს, რომ მისი საქციელი არაფერში არ წერია.
„მიპარვით რომ ჩაარტყა, ეს არაფერში არ წერია, მტერს არ ვექცეოდით ასე, თორემ ეს ლაჩრობაში ითვლება და არაფერში არ წერია, რაც მან გააკეთა. შესაბამისად, კომენტარის ღირსიც კი არ არის ეს ადამიანი. მიეპარა გვერდიდან, როცა არ უყურებდა ისე და ჩაარტყა, მერე გარბოდა, იმის შნოც არ ჰქონდა, რომ იქ დამდგარიყო კაცურად ბოლომდე, რა კაცი, კაცუნა არის.
დღეს ჩვენ ვართ პოლიტიკაში, ხვალ შეიძლება არ ვიყოთ, დროებით ვართ დაქირავებული ხომ ქართველი მოსახლეობის მხრიდან, მაგრამ ამ ქალაქში უნდა ვიცხოვროთ და მას ეს კინტოს იარლიყი ექნება მთელი ცხოვრება“, – აცხადებს ზარქუა.
