Home Blog Page 6

თიბისი კამპუსის განათლების პროგრამები იწყება

თუ ხარ 18-დან 24 წლის, არ აქვს მნიშვნელობა საქართველოს რომელ კუთხეში ცხოვრობ, ეს შენი შანსია დაეუფლო ყველაზე მოთხოვნად პროფესიებს და თიბისი კამპუსში, სრულიად უფასოდ ისწავლო ბიზნესის და ტექნოლოგიური მიმართულებები.

თიბისი კამპუსი განათლებაზე ხელმისაწვდომობის ზრდის მიზნით შეიქმნა 18-24 წლის ახალგაზრდებისთვის. ეს არის უმაღლესი სასწავლებლისგან განსხვავებული სივრცე, სადაც სტუდენტები, ბიზნესისა და ტექნოლოგიების მიმართულებით, სფეროს პროფესიონალების მენტორობით თეორიულ და პრაქტიკულ განათლებას და გამოცდილებას იღებენ.

თიბისი ყოველთვის ითვალისწინებს ახალი თაობის მრავალფეროვან ინტერესებს და დასაქმების ბაზრის მოთხოვნების შესაბამის სიახლეებს სთავაზობს. წელს თიბისი კამპუსის მონაწილეებს, არსებულთან ერთად, IT ბიზნეს ანალიზის და ბაზრის კვლევის ახალ კურსები ელოდებათ.

10-დან 25 აპრილის ჩათვლით შეარჩიე და დარეგისტრირდი თიბისი კამპუსის ონლაინ კურსებიდან ერთ-ერთზე:

თიბისი კამპუსის პარტნიორია „კოლაბი“.

თიბისი კამპუსში სწავლა სრულიად უფასოა. კურსებზე მიღებული ცოდნა ახალგაზრდებს, არჩეული მიმართულებით, კონკურენტულ ბაზარზე დასაქმებაში ან საკუთარი ბიზნესის წარმატებით მართვაში დაეხმარება. კამპუსის პირველი ნაკადი 202-მა მონაწილემ წარმატებით დაასრულა, მათი ნაწილი კი სწორედ თიბისი კამპუსის კურსების გავლის შემდეგ დასაქმდა და მიღებულ ცოდნას პრაქტიკულ საქმიანობაში იყენებს.

მთავარია გჯეროდეს შენი მიზნების, თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმაო ინტერესები და ცოდნა.

(R)

“ჭიქა” — კაფე საკუთარი წარმოების ყავითა და საკონდიტრო ნაწარმით, რომელიც თიბისი ბიზნესის მხარდაჭერით განვითარდა

კაფე „ჭიქას“ შექმნის ამბავი ზუსტად გვახსენებს, რომ რაიმეს დასასრულს ყოველთვის რაღაც ახალი მოსდევს. ყველაფერი რთულ დროს დაიწყო — მაშინ, როცა მსოფლიოში კოვიდ-19-ის პანდემია იყო გავრცელებული და ადამიანები ახალ რეალობასთან ადაპტირდებოდნენ. ალექსეი მამულაშვილმა გადაწყვიტა, ტურიზმის ბიზნესს ჩამოშორებოდა და სრულიად ახალი მიმართულებით წასულიყო, ანუ კაფე გაეხსნა.

იმისათვის, რომ სექტორში გამორჩეული ყოფილიყო და უბრალოდ მორიგ სტანდარტულ კაფედ არ ჩაწერილიყო სიაში, დამფუძნებელი უნიკალურობის პრინციპზე კონცენტრირდა. უფრო კონკრეტულად, „ჭიქაში“ ვერ შეხვდებით ისეთ ყავას, რომლის დაგემოვნებასაც ნებისმიერ კაფეში შეძლებთ. სანაცვლოდ, ალექსეიმ დამატებით ყავის მოხალვის ცეხი გახსნა. ყავის ცეხშიც ყველაფერი ნულიდან დაიწყო — ჯერ მიწის ნაკვეთი იპოვეს, სადაც არაფერი იყო, შემდეგ კი თავად ააგეს შენობა, სადაც ყავის მოხალვა და დამუშავება დაიწყეს. აქვეა „ჭიქას“ საკონდიტროც მოწყობილი — გარდა ყავისა, საკონდიტრო ნაწარმიც სპეციალურად შემუშავებული რეცეპტებით მზადდება.

„როგორც ბიზნესის განვითარების საწყის ეტაპზე, ამ ნაწილშიც თიბისი დაგვეხმარა. სხვაგვარად ვერ შევძლებდით სასურველი შედეგის მიღებას. ასევე, შევქმენით ჩვენი დისტრიბუცია, რომელიც მხოლოდ „ჭიქასთვის“ მუშაობს, რაც დადებითად აისახება დროის ფაქტორსა და მომსახურების ხარისხზე. შესაბამისი ფინანსური რესურსით ჩამოვაყალიბეთ სისტემა, რომელიც ძალიან გამართულად მუშაობს”,— ალექსეი მამულაშვილი, „ჭიქას“ დამფუძნებელი.

დღეისთვის „ჭიქას“ წარმოების ყავა არა მხოლოდ მის ფილიალებში იყიდება, არამედ ალექსეი რამდენიმე ადგილობრივ თუ უცხოურ კომპანიასთანაც თანამშრომლობს.

ამ დროისთვის, კაფე „ჭიქა“5 ლოკაციაზეა წარმოდგენილი. უახლოეს მომავალში კიდევ ერთი ფილიალის გახსნა იგეგმება, განსხვავებული კონცეფციითა და გარემოთი.

(R)

PSP ფარმას მეორედ მიენიჭა GDP სტანდარტთან შესაბამისობის სერტიფიკატი

PSP ფარმამ GDP სტანდარტის შესაბამისობის აუდიტი უკვე მეორედ, წარმატებით გაიარა და მიენიჭა „კარგი სადისტრიბუციო პრაქტიკის“ შესაბამისობის სერტიფიკატი.

მსოფლიოს განვითარებული ქვეყნებში, 2022 წლიდან უკვე საქართველოშიც, ფარმაცევტული პროდუქციის დისტრუტორებისთვის GDP-ს სტანდარტის დაცვა სავალდებულოა.

საკონტროლო აუდიტი განხორციელდა სახელმწიფო აკრედიტაციის მქონე GDP ინსპექტორების მიერ. უკვე მეორედ, PSP ფარმას სადისტრიბუციო საწყობმა საკონტროლო აუდიტი წარმატებით გაიარა. აღსანიშნავია, რომ პირველ ეტაპზე, როდესაც საქართველო მედიკამენტების ხარისხთან დაკავშირებულ ამ საერთაშორისო მოთხოვნას შეუერთდა, PSP-ს საწყობი იყო ერთ-ერთი პირველი კომპანია, რომელსაც პირველივე აუდიტის შედეგად ხარისხის უზრუნველყოფის დამადასტურებელი სერტიფიკატი მიენიჭა.

„Good Distribution Practice“ – „კარგი სადისტრიბუციო პრაქტიკის“ სტანდარტის დაცვა უზრუნველყოფს სამკურნალო საშუალებების გარანტირებული ხარისხის შენარჩუნებას მიწოდების ჯაჭვის ყველა ეტაპზე, საწარმოდან აფთიაქამდე და საბოლოოდ მომხმარებლამდე.

უკვე 30 წელია, PSP-ს მთავარი პრიორიტეტი მომხმარებელზე ზრუნვა და მისთვის ჯანმრთელობისა და სილამაზის გარანტირებული ხარისხის პროდუქტებზე ხელმისაწვდომობის გამარტივებაა. ამის უზრუნველსაყოფად, მუდმივად ხდება ფიზიკური, გეოგრაფიული და ფინანსური ხელმისაწვდომობის გამარტივება, პროცესების სრულყოფა, საერთაშორისო წარმატებული გამოცდილების გაზიარება. ამის დასტურია GDP სტანდარტის შესაბამისობაზე მეორედ წარმატებით გავლილი საკონტროლო აუდიტი და შესაბამისობის სერტიფიკატის კვლავ მინიჭება.

#PSP – ხარისხის გარანტი

(R)

ტარიფების 90 დღით შეჩერებაზე რამდენიმე დღე ვფიქრობდი, არ გვინდა, დავაზიანოთ ქვეყნები, რომლებიც არ საჭიროებენ ამას, ყველას სურს მოლაპარაკება -დონალდ ტრამპი

აშშ-ის პრეზიდენტის, დონალდ ტრამპის თქმით, ტარიფების 90 დღით შეჩერებაზე რამდენიმე დღე ფიქრობდა. ამის შესახებ ტრამპმა ჟურნალისტის მიერ დასმულ შეკითხვაზე განაცხადა. ჟურნალისტმა ჰკითხა, თუ როდის გაჩნდა ეს იდეა და რა გაითვალისწინეს ტრამპმა და მისმა მრჩევლებმა გადაწყვეტილების მიღებისას.

„ვიტყოდი, რომ ბოლო რამდენიმე დღის განმავლობაში, ვფიქრობდი ამაზე. ვსაუბრობდი სკოტთან, ჰოვარდთან და სხვა ადამიანებთან, რომლებიც ძალიან პროფესიონალები არიან. და ვფიქრობ, ეს ალბათ დილით ჩამოყალიბდა. უბრალოდ დავწერე. ეს დაიწერა გულიდან. არ გვინდა, დავაზიანოთ ქვეყნები, რომლებიც არ საჭიროებენ ამას, ყველას სურს მოლაპარაკება. გვინდა, სწორად მივუდგეთ. გვინდა, ვიზრუნოთ მათზე, მაგრამ უნდა ვიზრუნოთ ჩვენს ქვეყანაზეც. მაგრამ ეს იყო რაღაც, რაზეც ნამდვილად ვსაუბრობდით გარკვეული პერიოდის განმავლობაში, და გადავწყვიტეთ გადაგვედგა ნაბიჯი. მათ გააკეთეს ეს დღეს და კმაყოფილები ვართ ამით. არ ვიცოდი, თუ ასეთი გავლენა ექნებოდა, მაგრამ, იცით, ეს არის საფონდო ბაზრის ისტორიაში უდიდესი ზრდა. ეს საკმაოდ კარგია“, – აღნიშნა ტრამპმა.

შეგახსენებთ, რომ „თრუს სოშიალზე“ დონალდ ტრამპმა დაწერა, რომ ათობით ქვეყანაზე დაწესებული ტარიფები 90 დღით შეაჩერა.

საგამოძიებო კომისიის დასკვნაში აისახება საკმარისზე მეტი მტკიცებულება იმისათვის, რომ აღარ არსებობდეს კოლექტიური „ნაცმოძრაობა“, როგორც პოლიტიკური ძალა. ეს არის გარდაუვალი პროცესი -გურამ მაჭარაშვილი

x

„ხალხის ძალის“ აღმასრულებელმა მდივანმა, პარლამენტის დროებითი საგამოძიებო კომისიის წევრმა გურამ მაჭარაშვილმა კომისიის მუშაობის მნიშვნელობაზე ისაუბრა.

„ადამიანები მოდიან და ჰყვებიან იმ ისტორიებს, რომლებიც თავიდან ბოლომდე შემზარავია, ეს ეხება წამებას ციხეში, დაპატიმრების პროცესებს, საპატიმროს გარეთ წილების წართმევას და ათასგვარ უბედურებას. ეს პროცესი აუცილებლად დასრულდება იმით, რომ კომისიის დასკვნაში აისახება საკმარისზე მეტი მტკიცებულება იმისათვის, რომ აღარ არსებობდეს კოლექტიური „ნაცმოძრაობა“, როგორც პოლიტიკური ძალა. ეს არის გარდაუვალი პროცესი“, – განაცხადა გურამ მაჭარაშვილმა.

დროებითი საგამოძიებო კომისიის მორიგი სხდომა დღეს გაიმართება. სხდომაზე როინ შავაძის საქმეს და ტექნიკური უნივერსიტეტის ქონების ხელყოფის საკითხს განიხილავენ.

პარლამენტის დროებითი საგამოძიებო კომისია 2003-2012 წლებში მოქმედი რეჟიმის, ამ რეჟიმის პოლიტიკური თანამდებობის პირებისა და პოლიტიკურ პარტიებში გაერთიანებული მოქმედი და ყოფილი თანამდებობის პირების საქმიანობას შეისწავლის

როდის გამოიდარებს საქართველოში

11 აპრილამდე საქართველოში მოსალოდნელია წვიმა, ზოგან ძლიერი, მაღალ მთაში ზოგან თოვლი, დასავლეთის მიმართულების ძლიერი ქარი, ზღვაზე 4-5 ბალიანი შტორმი.

მომდევნო დღეებში, საქართველოს ცალკეულ რეგიონებში გამოიდარებს და ტემპერატურაც მოიმატებს.

meteo.gov.ge-ს ცნობით, თბილისში, მომდევნო 10 დღის მანძილზე მოსალოდნელია ცვალებადი ამინდები. 13 და 14 აპრილს შენარჩუნდება უნალექო ამინდი. რაც შეეხება გრძელვადიან პროგნოზს, 20 აპრილიდან გამოიდარებს

ზღვისპირა რეგიონში, ასევე ცვალებადი ამინდი შენარჩუნდება 19 აპრილის ჩათვლით. 20 აპრილიდან კი გამოიდარებს.

10 აპრილის ასტროლოგიური პროგნოზი

ვერძი

ბოლომდე მიიყვანეთ დაწყებული საქმეები და თავი შეიკავეთ ახალი ხელშეკრულებების დადებისა და მოლაპარაკებებისგან. გააზრებულად ხარჯეთ ფული, რათა ზიანი არ მიადგეს როგორც თქვენს პირად, ასევე, ოჯახის ბიუჯეტს.

კურო

შესაძლოა, დახმარებისთვის მოგმართონ, ან მანიპულაციის გზით, თავი შეგაცოდონ, ნურაფერს მოიმოქმედებთ ნაჩქარევად და გაუაზრებლად, რადგან თქვენი ქმედება, შესაძლოა, ახლა თქვენს წინააღმდეგ გამოიყენონ .

ტყუპები

მიენდეთ ცხოვრების დინებას და თამამად მიჰყევით გულის კარნახს, დარწმუნებული იყავით, რომ ის სწორედ იმ ნაპირთან, სწორედ იმ ადგილას მიგიყვანთ, სადაც დღეს ყველაზე სასურველი და საჭირო ხართ.

კირჩხიბი

გარდაუვალია კამათი სამსახურებრივ საკითხებთან დაკავშირებით, მაგრამ ეს უკეთესიცაა, რადგან თავისთავად გამოჩნდება თქვენი უპირატესობა და ლიდერის საუკეთესო თვისებები. მთავარია, დაიცვათ საზღვარი პირადსა და საქმიან სფეროს შორის.

ლომი

ნუ გააკეთებთ ნაადრევ დასკვნებს, რათა ზიანი არ მიაყენოთ თქვენს პროფესიონალიზმსა და სამომავლო საქმიანობას, შეეცადეთ, სიტუაცია ობიექტურად მიიღოთ, არანაირი ზედმეტი ჩაღრმავება, ან შელამაზება არ არის საჭირო. მხოლოდ სიდინჯე და ობიექტურობა.

ქალწული

ნუ აჰყვებით უსიამოვნო ფიქრებს და ნებისმიერ გარემოებაში შეეცადეთ, მართოთ თქვენი ემოციები, გაითვალისწინეთ მოსალოდნელი შედეგები და მოერიდეთ კონფლიქტურ სიტუაციებსა და კამათს.

სასწორი

დღეს თქვენი წამოწყებები და პრეზენტაციები საკმაოდ ეფექტურად ჩაივლის, პროექტს, რომელსაც წარადგენთ, დიდი ინტერესი მოჰყვება და ხელმძღვანელობასაც, შესაძლოა, აზრი შეაცვლევინოთ სამომავლო გეგმებთან დაკავშირებით. გაიზრდება თქვენი პოპულარობა.

მორიელი

ნუ დაკარგავთ ამ დღეს წვრილმან და უმნიშვნელო საქმეებზე, შეგიძლიათ, თავი ნებისმიერი სირთულის საქმეს გაართვათ და წარმატებით გადაჭრათ ყველა ამოცანა.

მშვილდოსანი

დღეს, სჯობს, თავი შორს დაიჭიროთ არაკეთილმოსურნეებისგან, თუმცა, მათმა იერიშმა შესაძლოა, თქვენამდე მაინც მოაღწიოს, თავდაჭერა და ზომიერება დაგეხმარებათ შეინარჩუნოთ თქვენი ავტორიტეტი.

თხის რქა

სასურველია, არ გარისკოთ და მიზნისკენ სვლა გააგრძელოთ ფრთხილი ნაბიჯებით. ნელ-ნელა გამოჩნდება, რა უფრო მეტ სიკეთესა და სარგებელს მოგიტანთ საქმეში, ახლა დროული კორექტივები უნდა შეიტანოთ თქვენს გეგმებში.

მერწყული

შესაძლოა, სამსახურში გარკვეულ დაპირისპირებაში ჩაერთოთ და მოგიწიოთ პოზიციების დათმობა. ნუ გაჯიუტდებით და მშვიდობიანი გზებით შეეცადეთ, პრობლემების მოგვარებას. ყველაფერი არც ისე ცუდადაა, როგორც გგონიათ.

თევზები

ეს დღე სჯობს, საკუთარ თავს მიუძღვნათ, მოერიდეთ კომუნიკაციებს, მართეთ ემოციები, თქვენი ენერგოტონუსი დასვენებასა და სიმშვიდეს მოითხოვს. საღამოს გაისეირნეთ სუფთა ჰაერზე.

დონალდ ტრამპმა ტარიფებზე 90-დღიანი პაუზა დაამტკიცა იმ ქვეყნებისთვის, რომელთაც აშშ-ის მიმართ საპასუხო ზომები არ მიუღიათ

აშშ-ის პრეზიდენტი დონალდ ტრამპი ათობით ქვეყანაზე დაწესებულ მაღალ ტარიფს 90 დღით აჩერებს, – ამის შესახებ ტრამპი თავის სოციალურ ქსელში წერს.

ამასთან, ტრამპი აღნიშნავს, რომ შემდგომში ტარიფები 10%-მდე შემცირდება, თუმცა ეს არ ეხება ჩინეთს.

„იმ ფაქტის გათვალისწინებით, რომ 75-ზე მეტმა ქვეყანამ მიმართა აშშ-ის წარმომადგენლებს, მათ შორის ვაჭრობის, ხაზინისა და აშშ-ს სავაჭრო წარმომადგენლის დეპარტამენტებს, რათა მოლაპარაკებები აწარმოონ ვაჭრობასთან, სავაჭრო ბარიერებთან, ტარიფებთან, სავალუტო მანიპულაციასთან და არამონეტარულ ტარიფებთან დაკავშირებული საკითხების გადასაწყვეტად, და იმის გათვალისწინებით, რომ ამ ქვეყნებს, ჩემი ძლიერი რეკომენდაციით, არ გაუტარებიათ არანაირი ფორმით საპასუხო ზომები აშშ-ის წინააღმდეგ, დავამტკიცე 90-დღიანი პაუზა და ამ პერიოდის განმავლობაში მნიშვნელოვნად შემცირდება საპასუხო ტარიფები 10%-მდე, ეს გადაწყვეტილებაც დაუყოვნებლივ შედის ძალაში“, – წერს ტრამპი.

ამასთან, დონალდ ტრამპმა დაწერა, რომ ჩინეთისთვის დაწესებული ტარიფები 125%-მდე გაზარდა.

„ჩინეთის მიერ მსოფლიო ბაზრების მიმართ გამოჩენილი უპატივცემულობის გამო, ვაცხადებ, რომ ამერიკის შეერთებული შტატების მიერ ჩინეთისთვის დაწესებული ტარიფი იზრდება 125%-მდე, რომელიც ძალაში შედის დაუყოვნებლივ. რაღაც მომენტში, იმედია, უახლოეს მომავალში, ჩინეთი გააცნობიერებს, რომ აშშ-ის და სხვა ქვეყნების ძარცვის დღეები აღარ არის მდგრადი ან მისაღები“, – წერს ტრამპი.

ინციდენტი საქართველო – სომხეთის მატჩზე – უეფას სადისციპლინო კომიტეტის გადაწყვეტილება ცნობილია

უეფას გადაწყვეტილებით, საქართველოს ნაკრები უეფას ეგიდით დაგეგმილ ერთ მატჩს უმაყურებლოდ ჩაატარებს, – ამის შესახებ ინფორმაციას საქართველოს ფეხბურთის ფედერაცია ავრცელებს.

„დისკვალიფიკაცია ერთა ლიგის ახალი, 2026/2027 წლების სეზონის პირველ საშინაო მატჩზე გავრცელდება, ⁠⁠სასჯელი არ ეხება მსოფლიო ჩემპიონატის საკვალიფიკაციო ეტაპის მატჩებსა და ფიფას საერთაშორისო ამხანაგურ თამაშებს.

უეფას კონტროლის, ეთიკისა და სადისციპლინო კომიტეტის სხდომაზე, რომელიც 9 აპრილს, ნიონში შედგა, 23 მარტს, საქართველო – სომხეთის მატჩის მიმდინარეობისას და თამაშის დასრულების შემდეგ მომხდარი ინციდენტების შესახებ იმსჯელეს.

უეფას გადაწყვეტილებით, გულშემატკივართა მხრიდან მოედანზე შევარდნის, ლაზერული სანათებისა და პიროტექნიკის გამოყენებისთვის, აგრეთვე გასასვლელების ბლოკირებისთვის, საქართველოს ფეხბურთის ფედერაცია დაჯარიმდა 40 000 ევროთი და ერთ საშინაო მატჩს საქართველოს ნაკრები უმაყურებლოდ გამართავს.

აღნიშნული სასჯელი ეხება იმ გათამაშებებს, რომელზეც უეფას სადისციპლინო კომპეტენცია ვრცელდება. შესაბამისად, სასჯელი არ ვრცელდება ამხანაგურ მატჩებსა და 2025 წლის შემოდგომაზე გასამართ მსოფლიო ჩემპიონატის საკვალიფიკაციო ეტაპის შეხვედრებს.

უეფას გადაწყვეტილება ასევე მოიცავს ორწლიან გამოსაცდელ ვადას. ორი წლის განმავლობაში მსგავსი დარღვევების განმეორების შემთხვევაში, საქართველოს ნაკრები მომდევნო მატჩს კვლავ უმაყურებლოდ ითამაშებს“, – ნათქვამია ინფორმაციაში.

სი ძინპინი მეზობელ ქვეყნებთან საერთო მომავლის მქონე საზოგადოების შექმნის ინიციატივით გამოდის

ჩინეთის პრეზიდენტი სი ძინპინი მეზობელ ქვეყნებთან საერთო მომავლის მქონე საზოგადოების შექმნის ინიციატივით გამოვიდა.

ჩინური მედიის თანახმად, პეკინში, მეზობელ ქვეყნებთან დაკავშირებულ კონფერენციაზე სი ძინპინმა შეაჯამა ჩინეთის სამეზობლო პოლიტიკის მუშაობის მიღწევები და გამოცდილება ახალ ეპოქაში, გააანალიზა არსებული ვითარება და გამოკვეთა მიზნები, ამოცანები, იდეები და ღონისძიებები სამეზობლო მუშაობის შემდეგი ეტაპისთვის.

კონფერენციაზე გაჟღერდა, რომ მეზობელი რეგიონები გლობალური პერსპექტივით უნდა იყოს განხილული.

კონფერენციაზე აღინიშნა, რომ ჩინეთმა წამოაყენა მეგობრობის, გულწრფელობის, ორმხრივი სარგებლობისა და ინკლუზიურობის პრინციპები სამეზობლო დიპლომატიაში და მხარს უჭერს მეზობელ ქვეყნებთან საერთო მომავლის მქონე საზოგადოების მშენებლობას. კონფერენციაზე ითქვა, რომ ჩინეთი დაიცავს აზიურ ღირებულებებს მშვიდობის, თანამშრომლობის, ღიაობისა და ინკლუზიურობის შესახებ, გამოიყენებს „სარტყელსა და გზის“ თანამშრომლობას, როგორც მთავარ პლატფორმას და მიჰყვება უსაფრთხოების აზიურ მოდელს, რომელიც გულისხმობს სიხარულისა და მწუხარების გაზიარებას.

„დღეს ხალხს რწმენა არ აქვს – არავინ იქნება დარწმუნებული იმაში, რომ უახლოეს მომავალში თუ არჩევნები დაინიშნება, ჩვენ მაგ არჩევნებს მოვიგებთ იმიტომ, რომ არ ვართ კარგ ფორმაში“ – ბორის ჩელე ყურუა

„რწმენა უნდა შეგვექმნა ადამიანებისთვის, რომლებიც მონაწილეობენ პოლიტიკურ პროცესში, რომ ჩვენ მზად ვართ იმ შედეგისთვის, რომელსაც თქვენი პროტესტი მიაღწევს. დღეს, ამ ხალხს ეს რწმენა არ აქვს“, – ამის შესახებ ბორის ჩელე ყურუამ „ტვ პირველის“ ეთერში, გადაცემაში „დღის ამბები“ განაცხადა.

როგორც ყურუამ აღნიშნა, რომ დაისვას კითხვა იმის შესახებ, ბიძინა ივანიშვილმა უახლოეს მომავალში არჩევნები რომ დანიშნოს, ოპოზიცია ნამდვილად შეძლებს თუ არა არჩევნების მოგებას, ყურუას განცხადებითვე “ალბათ არავინ იქნება დარწმუნებული იმაში, რომ უახლოეს მომავალში თუ არჩევნები დაინიშნება, ჩვენ მაგ არჩევნებს შევძლებთ და მოვიგებთ იმიტომ, რომ არ ვართ კარგ ფორმაში”.

„პოლიტიკური სპექტრი, რომელსაც მათ შორის, ჩემ თავსაც ვთვლი აქ და ჩემ თავსაც პასუხისმგებლობას ვაკისრებ და ახლა პარტიიდან თუ წამოვედი ეს იმას არ ნიშნავს, რომ ჩემი გასაკეთებელი არ იყო და არ არის ის, რომ რწმენა უნდა შეგვექმნა ამ ადამიანებისთვის, რომლებიც მონაწილეობენ პოლიტიკურ პროცესში, რომ ჩვენ მზად ვართ იმ შედეგისთვის, რომელსაც თქვენი პროტესტი მიაღწევს. დღეს, ამ ხალხს ეს რწმენა არ აქვს. შეგვიძლია, ჟურნალისტი გავუშვათ და ვკითხოთ, ბიძინა ივანიშვილმა სამ თვეში რომ არჩევნები დანიშნოს, ერთ-ერთი მოთხოვნა ხომ არის არჩევნები, ოპოზიცია უეჭველად მოიგებს მაგ არჩევნებს, თუ ვერ მოიგებს? ალბათ, არავინ იქნება დარწმუნებული იმაში, რომ უახლოეს მომავალში თუ არჩევნები დაინიშნება, ჩვენ მაგ არჩევნებს შევძლებთ და მოვიგებთ იმიტომ, რომ არ ვართ კარგ ფორმაში. საბოლოო ჯამში, ჩვენ უნდა ჩავდგეთ ოპტიმალურ ფორმაში და შანსს უნდა დაველოდოთ“, – განაცხადა ბორის ჩელე ყურუამ.

,, ყველამ უნდა აღიაროს, რომ საქართველოს ჰყავს ხელისუფლება, რომელთანაც დიალოგი აუცილებელია”- ნიკოლოზ სამხარაძე

ჩვენს ევროპელ პარტნიორებს სჭირდებათ მეტი მზაობის გამოჩენა, რათა ხელისუფლებასთან აწარმოონ დიალოგი და ჰქონდეთ პარტნიორული ურთიერთობები, – ამის შესახებ პარლამენტის საგარეო ურთიერთობათა კომიტეტის თავმჯდომარემ, ნიკოლოზ სამხარაძემ განაცხადა.

ნიკოლოზ სამხარაძემ კომენტარი გააკეთა ევროსაბჭოს გენერალურმა მდივნის, ალენ ბერსეს კომენტარზე. ევროსაბჭოს საპარლამენტო ასამბლეაში საქართველოზე დასმული შეკითხვის საპასუხოდ ბერსემ აღნიშნა, რომ „საქართველოში სიტუაცია არ არის ისეთი კარგი, როგორც გვინდა, მაგრამ შეიძლებოდა, ბევრად უარესი ყოფილიყო, გვჭირდება მეტი კონტაქტი, ერთად მუშაობა, მალე დავუკავშირდები მმართველ პარტიას, პრემიერ-მინისტრს“.

ნიკოლოზ სამხარაძის თქმით, ყველამ უნდა აღიაროს, რომ საქართველოს ჰყავს ხელისუფლება, რომელთანაც დიალოგი აუცილებელია.

„ჩვენს ევროპელ პარტნიორებს სჭირდებათ მეტი დიალოგი და მეტი მზაობის გამოჩენა, რომ ხელისუფლებასთან აწარმოონ დიალოგი და ჰქონდეთ პარტნიორული ურთიერთობები. ბატონ ბერსეს ვიზიტს ბულინგი მოჰყვა როგორც შიდა, ისე გარე პოლიტიკური აქტორების მხრიდან. ამიტომ თუ რაიმე პოზიტიური ძვრები იქნება, ჩვენ ამას მივესალმებით. უბრალოდ ყველამ უნდა აღიაროს ქართველი ხალხის არჩევანი, ყველამ უნდა აღიაროს, რომ საქართველოს ჰყავს ხელისუფლება, რომელთანაც აუცილებელია დიალოგის წარმოება“, – აღნიშნა სამხარაძემ.

1...567...2,676Page 6 of 2,676
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი