ნაცების დაბრუნებას კი არ ითხოვს ხალხი, არამედ ამ ოთხი „ახალი“ პარტიას, რომლებიც ნაცები არ არიანო და თქვენ მეუბნებით, რომ ეს ადამიანები ნაცები არ არიან? ამ პარადოქსული არგუმენტით ცდილობენ ნაცების მობრუნებას, – განაცხადა „ქართული ოცნების“ აღმასრულებელმა მდივანმა და საპარლამენტო უმრავლესობის ლიდერმა, მამუკა მდინარაძემ.

მისი თქმით, ყველა ვინც აქციაზე დგას და ახალ არჩევნებს ითხოვს, არის ნაცი, ან ნებსით თუ უნებლიედ, ემსახურების „ნაციონალური მოძრაობის“ ინტერესებს.

„ჩვენ ალბათ ყველას მეტი გვმართებს, რომ საქართველოში ობიექტურ რეალობაში დავარწმუნოთ ყველა ადამიანი. ჩვენ ხისტად ვაკრიტიკებთ არამხოლოდ ჩვენს ოპონენტებს, არამედ იმ ადამიანებსაც კი, ვინც რუსთაველზე დგას და რატომ ვეძახით ბევრ მათგანს ნაცს. ნებისმიერ შეგიძლიათ ჰკითხოთ: თუ ისინი მიაღწევენ მათი მოთხოვნის დაკმაყოფილებას, (თეორიულად, პრაქტიკულად შეუძლებელია) და დაინიშნება ახალი არჩევნები, ვის აძლევენ ხმას? ვინ უნდათ ხელისუფლებაში, ვინ უნდა მოვიდეს? ნაცის გარდა, დღეს არის ვინმე ისეთი, რომელიც შეიძლება ქართული ოცნების ნაცვლად იყოს ხელისუფლებაში? გვარამია და მელია არ არიან ნაცები, გირჩი ჯაფარიძე, ხოშტარია, ხაზარაძე არ არის ნაცი და მათი რეკეტიორი არ ყოფილა არასდროს და გახარიას არ უღალატია ნაცებთან ქართული ოცნებისთვის? ნაცების დაბრუნებას კი არ ითხოვს ხალხი, არამედ ამ ოთხი „ახალი“ პარტიას, რომლებიც ნაცები არ არიანო და თქვენ მეუბნებით, რომ ეს ადამიანები ნაცები არ არიან? ამ პარადოქსული არგუმენტით ცდილობენ ნაცების მობრუნებას. თუ ვინმე დღეს ითხოვს ხელახალ არჩევნებს, მათი მოთხოვნა საფუძვლიანია იმ შემთხვევაში თუ 300 000 ხმა გაყალბდა, ოღონდ 300 ხმის გაყალბების მტკიცებულებასაც კი ვერ დებენ. თუკი ვინმე ასე უარგუმენტოდ ითხოვს ახალ არჩევნებს, ისინი ნაცების დაბრუნებას ითხოვენ ხელისუფლებაში. პროკურატურა გამოდის და პირდაპირი მნიშვნელობით იხვეწება – რაიმე ინფორმაცია თუ გაქვთ მტკიცებულების სახით, მოდით და დადეთო. ასეთი ინფორმაცია ჯერ ჩვენ ვერ ვნახეთ. მივიდნენ და დადონ და მერე ილაპარაკონ ახალ არჩევნებზე, რომლითაც ისინი ნაცების დაბრუნებას ითხოვენ.

გახარია ნაცი არ არის? ახლა, ინციდენტი რომ მოხდა, სამხარაძეს თავს რომ დაესხა, ამან პასუხი რომ გასცა და იქ გაბრუებული რომ იყო წამოწოლილი შუა ქუცაში, პირველი ვინ დაუჭირა მხარი? პირველები ვინც აღშფოთდნენ, ყველა რადიკალური ნაცები იყვნენ. ძალადობაზე კი უნდა აღშფოთდე, მაგრამ შე კაი ადამიანო, ჯერ მოიკითხე რა მოხდა. სხვა შემთხვევაში თუ არკვევ და როგორც გაწყობს, ისე ლაპარაკობ, აქაც მოიკითხე. გახარიას ოთხ მუნიციპალიტეტში აქვს კოალიცია ნაცებთან. ცოლი და ქმარი ერთად რომ ცხოვრობდეს ღამეს ერთად ატარებდნენ, ხელი რომ არ ჰქონდეთ მოწერილი და ერთმანეთი გვეზიზღებაო რომ ამბობდნენ, დაახლოებით ეს ვარიანტია. ვის აბრმავებენ? ხაზარაძე და ჯაფარიძის მთავარი ფუნქცია იყო ნაცების რეკეტის აღუსრულებლობა. თუ გახარია, მელია, რუსეთიდან დაფინანსებული ხოშტარია, გირჩი ჯაფარიძე არ არის ნაცი? როგორ დავიჯეროთ მათი განნაცება? სოციალურ ქსელში ამომიგდო, ერთი ახალგაზრდა ამბობდა, ნაცებს ვერ ვიტანთ, ნაცობას გვაბრალებენო და ახალი არჩევნები გვინდაო. ვინ მოგყავს? მოგყავს ნაცი, ესე იგი ნაცის საქმეს აკეთებ, გგონია, რომ ანტინაცი ხარ და ნაცი მოგყავს? რა დაგმართნია, მეორე უბედურებაში გაგიყვია თავი – აზრზე არ ხარ, ისე ხარ ნაცი. ასევე საფუძვლიანია მათი მოთხოვნა პატიმრების გათავისუფლებასთან დაკავშირებით, თუ ისინი არ იღებდნენ აქტიურ მონაწილეობას ძალადობრივ აქციებში. თუ დანაშაულს ჩადიოდნენ, რატომ უნდა გათავისუფლდნენ? აგერ, დღეს ორმა ადამიანმა მოინანია, აღიარა და პროკურატურამ ძალიან სერიოზული შეღავათი გაუკეთა“, – განაცხადა მდინარაძემ.

ერთი ადამიანის შანტაჟის გამო, რომელმაც საკუთარი ქვეყანა არ გაწირა, ერთი შვეიცარიული ბანკი გაანადგურეს, ხოლო მას შემდეგ, რაც Deep State-ზე დეტალურად ისაუბრა, მისი დასჯა და შანტაჟი მეორე ბანკის რეპუტაციული განადგურების ხარჯზე გადაწყვიტეს – როგორც არ უნდა გაანადგურონ შვეიცარიული ბანკები, ეს ადამიანი მათ ვერ გაიცნეს! – ასე ეხმაურება უმრავლესობის ლიდერი მამუკა მდინარაძე „ქართული ოცნების“ საპატიო თავმჯდომარის ბიძინა ივანიშვილის ადვოკატის განცხადებას, რომლის მიხედვით, ივანიშვილი აპირებს კიდევ ერთ შვეიცარიულ ბანკს – Julius Baer-ს უჩივლოს.

როგორც მდინარაძემ ჟურნალისტებს განუცხადა, „ამ ადამიანმა სამშობლოსთვის თავი გადადო და ფულით შანტაჟი შედეგს ვერ მოიტანს“.

„ეს არა მხოლოდ ბიძინა ივანიშვილის, არამედ საქართველოს წინააღმდეგ არის მიმართული, რადგან ეს არის წმინდა წლის პოლიტიკური შანტაჟი.

მას შემდეგ, რაც ბიძინა ივანიშვილმა Deep State-ზე ისაუბრა, ამ თემაში უფრო ღრმად შევიდა, ქართული საზოგადოებისთვის თემა გაშალა და ბევრი დამატებითი დეტალი გახადა ცნობილი, გადაწყვიტეს, რომ უკვე მეორე შვეიცარიული ბანკის რეპუტაცია არაფრად ჩაეგდოთ, გაენადგურებინათ, ოღონდ საქართველო და ბიძინა ივანიშვილი დასაჯონ და პოლიტიკური შანტაჟი მოუწყონ. აქედან დასკვნის გამოტანა არავის გვიჭირს – მარტივი ამბავია“, – განაცხადა მამუკა მდინარაძემ.

პირველ რიგში, ტრამპის გუნდს სურს „დიფ სთეითის“ დამარცხება, რაც არა მხოლოდ აშშ-ისთვის, არამედ მსოფლიოსთვის ბევრ რამეს შეცვლის, – განაცხადა დედაქალაქის მერმა მედიასთან.

როგორც მან აღნიშნა, აშშ-ის ახლად არჩეული პრეზიდენტის ინაუგურაციის შემდეგ არის მოლოდინი, რომ ორ ქვეყანას შორის ურთიერთობები გადაიტვირთება.

„ძალიან მნიშვნელოვანია დონალდ ტრამპის გაპრეზიდენტება. იცით, რომ დღეს გაიმართება ინაუგურაცია. ჩვენ ძალიან დიდი იმედი გვაქვს, რომ მთლიანად მოხდება ურთიერთობების გადატვირთვა. არაერთხელ გამოვთქვით მზაობა, რომ ვიყოთ აშშ-ის კარგი მეგობრები, ურთიერთობები კიდევ უფრო გავაღრმაოთ. ჩვენთვის მნიშვნელოვანია სტრატეგიული პარტნიორობა, მეგობრობა და მივესალმებით იმ მესიჯებს, რომლებსაც ტრამპის გუნდისგან ვისმენთ. რასაც თავად ამბობენ, პირველ რიგში, მათი მხრიდან „დიფ სთეითის“ დამარცხება უნდა მოხდეს, რაც არა მხოლოდ აშშ-სთვის, არამედ მსოფლიოსთვის ბევრ რამეს შეცვლის“, – აღნიშნა თბილისის მერმა.

რაც შეეხება კითხვას ოპოზიციის წარმომადგენლების შესახებ, რომლებმაც, ჟურნალისტის თქმით, ბოლო დროს ტრამპის შესახებ რიტორიკა შეცვალეს, კახა კალაძე პასუხობს, რომ ისინი ფარისევლები არიან.

„ოპოზიციისთვის სასიკეთო არაფერი ხდება არც ქვეყნის შიგნით, არც ქვეყნის გარეთ. ოპოზიცია არის დანგრეული, გაფარჩაკებული. მათ არც ქვეყანა აინტერესებთ, ჰყავთ თავიანთი პატრონები. ვიცით ვინ არიან ისინი და საიდან იმართებიან. ისინი ჩვეულებრივი ფარისევლები არიან. ჩვენ არაერთი განცხადება მოგვისმენია მათი მხრიდან, როცა ტრამპს ოლიგარქს და ჯამბაზს უწოდებდნენ. ამის დამადასტურებელი ვიდეო მასალაც არსებობს“, – განაცხადა დედაქალაქის მერმა.

მანამ სანამ ვიმოქმედებთ ეროვნული და არა უცხოური ინტერესებით, საკუთარი ხალხის და არა სხვათა დაკვეთით, საქართველო ივლის წინ; ხოლო თუ სხვების დროშებს ვაფრიალებთ, რომელ კავშირშიც არ უნდა შევიდეთ, ვიქნებით საბჭოთა კავშირში, – წერს საქართველოს პარლამენტის თავმჯდომარე შალვა პაპუაშვილი.

როგორც პარლამენტის თავმჯდომარე აღნიშნავს, მათ რომ დაეჯერებინათ გარე მრჩევლებისთვის და ციხის შიგნიდან გამტეხავებისთვის, არანაირი ეკონომიკური ზრდა და ლიდერობა არ იქნებოდა.

„საქართველო მსოფლიოს ლიდერია ეკონომიკური ზრდის ტემპით. ვუსწრებთ ევროკავშირსაც და მის კანდიდატებსაც. მსოფლიოში ჩვენზე მაღალი ეკონომიკური ზრდა მხოლოდ ორ ქვეყანას, მათ შორის, სამხრეთამერიკულ გაიანას აქვს (43%), ისიც იმიტომ, რომ იქ ახლახან ნავთობი აღმოაჩინეს.

თუმცა, ეს არ იქნებოდა, ჩვენ რომ

▪️დავთანხმებოდით ზელენსკის, რომელიც მოხალისეების ოფიციალურად გაგზავნას მოითხოვდა, რაც ომის მონაწილე მხარედ გვაქცევდა,
▪️უკან დაგვეხია აშშ-ის მაშინდელი ელჩის წინაშე, რომელიც კატეგორიული ტონით მოითხოვდა რუსეთისთვის სანქციების დაწესებას და ესკალაციას (თუმცა, საჯაროდ ამას არ ამხელდა და ჩვენც ნამუსს ვუნახავდით),
▪️დაგვეჯერებინა ბრიუსელისთვის, რომელიც სანქციების დაწესებას, რუსეთის მოქალაქეების შემოსვლის შეზღუდვას და ფრენების აკრძალვას მოითხოვდა,
▪️ავყოლოდით 2022 წლის თებერვალში, ომის დაწყებისთანავე, ოპოზიციის და ენჯეოების ორგანიზებული აქციის “გულწრფელი მონაწილეების” მოთხოვნას და წინა სამი პუნქტის ავტორებისთვის დაგვეჯერებინა (თან როგორი დამთხვევაა, რომ ეს ენჯეოები ზუსტად იქიდან ფინანსდებიან, საიდანაც ეს მოთხოვნები მოდიოდა).

გარე მრჩევლებისთვის და ციხის შიგნიდან გამტეხავებისთვის რომ დაგვეჯერებინა, არანაირი ეკონომიკური ზრდა და ლიდერობა არ იქნებოდა. სამაგიეროდ იქნებოდა ომის რისკი და გარანტირებული ეკონომიკური კოლაფსი, რომლის ეფექტი ორჯერ უფრო მძიმე იქნებოდა ვიდრე კოვიდის პანდემიის დროს.

ასე არის ახლაც. მანამ სანამ ვიმოქმედებთ ეროვნული და არა უცხოური ინტერესებით, საკუთარი ხალხის და არა სხვათა დაკვეთით, საქართველო ივლის წინ; ხოლო თუ სხვების დროშებს ვაფრიალებთ და სხვა ხალხების ხელისუფლებას ჩვენად ჩავთვლით, რომელ კავშირშიც არ უნდა შევიდეთ, ვიქნებით საბჭოთა კავშირში“, – წერს შალვა პაპუაშვილი.