ყალბი საგადასახდო დოკუმენტების დამზადება – გამოყენებისა და უკანონო შემოსავლის ლეგალიზაციის ფაქტებზე მხილებულია პირთა ჯგუფი

170
spot_img

საქართველოს ფინანსთა სამინისტროს საგამოძიებო სამსახურის თანამშრომლების მიერ, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, წინასწარი შეცნობით დანაშაულებრივი გზით მოპოვებული ქონების შეძენა-გასაღების, ჯგუფურად, ყალბი საგადასახადო დოკუმენტების დამზადება-გამოყენებისა და უკანონო შემოსავლის ლეგალიზაციის ფაქტებზე, ოთხი პირის მიმართ სისხლისსამართლებრივი დევნა დაიწყო. ინფორმაციას ფინანსთა სამინისტროს საგამოძიებო სამსახური ავრცელებს.

უწყების ცნობით, გამოძიებით დადგინდა, რომ ბრალდებულებმა, წინასწარი შეცნობით, დანაშაულებრივი გზით მოპოვებული დაახლოებით, ნახევარი მილიონი ლარის ღირებულების ხის მასალა შეიძინეს, რის შემდეგაც, მისი უკანონო წარმოშობის დაფარვის მიზნით, დაქვემდებარებაში არსებული კომპანიების სახელით, ყალბი სასაქონლო ზედნადებები გაწერეს, რომელთა გამოყენებითაც ჯამში 1 006 მ3 უკანონოდ მოპოვებულ ხის მასალას კანონიერი სახე მისცეს და შემდგომ მისი სხვადასხვა პირზე რეალიზაცია მოახდინეს.

გამოძიება საქართველოს სისხლის სამართლის კოდექსის 186-ე, 210-ე და 194-ე მუხლებით მიმდინარეობს, რაც სასჯელის სახით 9-დან 12 წლამდე ვადით თავისუფლების აღკვეთას ითვალისწინებს.