“ქართული სახელმწიფოს განვითარებას სჭირდება საქმიანი „ბრძოლა“ და არა სისხლისღვრა” – თამთა მეგრელიშვილი

16
spot_img

ქართული სახელმწიფოს განვითარებას სჭირდება საქმიანი “ბრძოლა” და არა სისხლისღვრა. ქართული სახელმწიფო ამ რისკების თავიდან აცილებას ბოლომდე შეძლებს და კიდევ უფრო მეტად განვითარდება. მშვიდობა არის ის მონაპოვარი, რომელიც პრაგმატულ, კარგად გათვლილ პოლიტიკასთან ერთად ხელშესახებ შედეგებს დადებს, – წერს „ხალხის ძალის“ წევრი თამთა მეგრელიშვილი სოციალურ ქსელში.

მეგრელიშვილის თქმით, დღეს სახელმწიფოს აქვს ერთიანი სახელმწიფო პოლიტიკა რომლის პრიორიტეტები და მიმართულებები ორიენტირებულია გრძელვადიან ინკლუზიურ ეკონომიკურ ზრდასა და განვითარებაზე.

„ქვეყნის გრძელვადიანი ეკონომიკური განვითარების პოლიტიკა ემყარება თავისუფალი ბაზრის პრინციპს, სადაც კერძო სექტორი ეკონომიკის მთავარი მამოძრავებელი ძალაა, რომელიც ქმნის სამუშაო ადგილებს.

დღეს სახელმწიფოს აქვს ერთიანი სახელმწიფო პოლიტიკა რომლის პრიორიტეტები და მიმართულებები ორიენტირებულია გრძელვადიან ინკლუზიურ ეკონომიკურ ზრდასა და განვითარებაზე.

საქართველოს გააჩნია თავისუფალი ვაჭრობის შეთანხმების ფართო ქსელი, მათ შორის ევროკავშირთან ასოცირების შეთანხმება, ღრმა და ყოვლისმომცველი თავისუფალი სავაჭრო სივრცის შესახებ შეთანხმების ჩათვლით.

თავისუფალი ვაჭრობის შეთანხმება ევროპის თავისუფალი ვაჭრობის ასოციაციასთან (FETA),
თავისუფალი ვაჭრობის შეთანხმება დამოუკიდებელ სახელმწიფო თანამეგობრობასთან (CIS) და თურქეთთან.თავისუფალი ვაჭრობის შეთანხმება ჩინეთთან და ჰონგ – კონგთან.

საქართველოს მთავრობის ეკონომიკური პოლიტიკის მთავარი პრიორიტეტია მაკროეკონომიკური სტაბილურობა, ხელსაყრელი სამეწარმეო და საინვესტიციო გარემოს შექმნა, კერძო სექტორის განვითარების ხელშეწყობა, შესაბამისი ინფრასტრუქტურის უზრუნველყოფა და საერთაშორისო ბაზრებზე წვდომის გაუმჯობესება. ლიბერალური კანონმდებლობით, ადმინისტრაციული ბარიერების და საგადასახადო ტვირთის შემცირებით, სახელმწიფო სერვისების გაუმჯობესებით საქართველო რეგიონულ ლიდერად იქცა, მსოფლიოში ერთ-ერთი საუკეთესოა ბიზნეს-გარემოს კუთხით, რომელიც ყოველწლიურად უმჯობესდება.

გვაქვს ყველანაირი რესურსი 2030 წლისთვის მოწინავე ევროპულ ქვეყნებთან ჩამორჩენა მინიმუმამდე შევამციროთ, სიღარიბე სრულად აღმოვფხვრათ და მაღალშემოსავლიან ქვეყნად ვიქცეთ. ამისთვის ეფექტიან პოლიტიკასთან ერთან აუცილებელი ქართულ სახელმწიფოში მშვიდობის და მშვიდი გარემოს შენარჩუნებაა.

დესტრუქციულთა მხრიდან მშვიდობის სახელით ომში ჩართვის არაერთი მცდელობა, საქართველოს უკრაინიზაციისაკენ მტრული სწრაფვა, ქართული სახელმწიფოს მიმართ მოღალატეობრივი, მტრული, პოლიტიკის ნაწილია რომელსაც გასაქანი „ხალხის ძალის“ მხილებისა და „ქართული ოცნების“ გონივრული პოლიტიკით არ მიეცა და არც მიეცემა.

ქართული სახელმწიფოს განვითარებას სჭირდება საქმიანი “ბრძოლა” და არა სისხლისღვრა. ქართული სახელმწიფო ამ რისკების თავიდან აცილებას ბოლომდე შეძლებს და კიდევ უფრო მეტად განვითარდება.

მშვიდობა არის ის მონაპოვარი რომელიც პრაგმატულ, კარგად გათვლილ პოლიტიკასთან ერთად ხელშესახებ შედეგებს დადებს. მშვიდობა და განვითარება ჩვენს ქვეყანას!“ – წერს თამთა მეგრელიშვილი Facebook-ზე