ქალაქ ჯვარში, კოსტავას ქუჩაზე, საცხოვრებელი კორპუსის მესამე სართულზე, აივნის ჩამონგრევის შედეგად ახალგაზრდა ქალი დაშავდა. ადგილობრივების ინფორმაციით, შემთხვევის დროს ქალი აივანზე სარეცხს ფენდა.
სასწრაფო დახმარების ბრიგადამ, დაშავებული სხვადასხვა მოტეხილობით, ზუგდიდის რეფერალურ საავადმყოფოში გადაიყვანა. როგორც კლინიკაში აცხადებენ, მის სიცოცხლეს საფრთხე არ ემუქრება და ჯანმრთელობის მდგომარეობა დამაკმაყოფილებელია.
შემთხვევის ადგილზე ექსპერტ-კრიმინალისტები და პოლიცია იმყოფებოდა. კორპუსის მაცხოვრებლები ამბობენ, რომ შენობა ავარიულია და დახმარებით მთავრობას მიმართავენ.
