რუსეთის პრეზიდენტი, ვლადიმირ პუტინი მზად არის, შეაჩეროს ომი უკრაინაში ცეცხლის შეწყვეტის შესახებ მოლაპარაკებების გზით, რომელიც აღიარებს ბრძოლის ველზე არსებულ ამჟამინდელ ხაზებს. ინფორმაციას ამის შესახებ სააგენტო Reuters-ი ავრცელებს.
წყაროების ინფორმაციით, პუტინი მზად არის, გააგრძელოს ომი, თუ კიევი და დასავლეთი არ უპასუხებენ მის შეთავაზებას.
წყაროები ასევე აცხადებენ, რომ პუტინმა მრჩეველთა მცირე ჯგუფს იმედგაცრუება გამოუხატა იმის გამო, რომ დასავლეთს მოლაპარაკებების შეჩერების მცდელობა აქვს, ხოლო ვოლოდიმირ ზელენსკიმ გამორიცხა მოლაპარაკებები.
„პუტინს შეუძლია, იბრძოლოს რამდენ ხანსაც საჭირო იქნება, მაგრამ პუტინი ასევე მზადაა ცეცხლის შეწყვეტისთვის, ომის გაყინვისთვის“, – განუცხადა Reuters-ს წყარომ.
წყაროები ასევე აღნიშნავენ, რომ რუსეთის პრეზიდენტი მიიჩნევს, რომ ამ მომენტისთვის ომში არსებული მიღწევები საკმარისია რუსი ხალხისთვის გამარჯვების წარმოსაჩენად.
