“პრეზიდენტთან შეხვედრაზე იმპიჩმენტზე ნაკლებად ვისაუბრეთ” – სალომე სამადაშვილი

235
spot_img

„ლელოს“ წევრი სალომე სამადაშვილი აცხადებს, რომ საქართველოს პრეზიდენტ სალომე ზურაბიშვილთან შეხვედრაზე ისაუბრეს იმ გამოწვევებზე, რომლის წინაშეც დღეს არის საქართველო.

სამადაშვილის თქმით, პრეზიდენტთან ისაუბრა იმაზე, რომ ქვეყნისთვის უმთავარესი ამოცანა არის რუსული ხელისუფლების შეცვლა.

„ვისაუბრე იმ გამოწვევებზეც, რომელიც გვაქვს მათ შორის არა მხოლოდ ევროკავშირის დღის წესრიგის თვალსაზრისით, არამედ იმ პასუხით, რომელიც ბიძინა ივანიშვილის ხელოსუფლებამ გასცა ჩვენს სტრატეგიულ მოკავშირეს, რომელმაც ფარცხალაძე დაასანქცირა. საფრთხე, რომელიც ქვეყანას ამ პასუხით შეექმნა. ვისაუბრე აუცილებლობაზე, რომ ნათელი გავხადოთ, რომ რუსეთის ჯაშუშები გადაიხდიან ფასს საკუთარი სახელმწიფოს წინააღმდეგ მუშაობისთვის. ასევე საუბარი მქონდა, რომ ის ხალხი, ვინც იბრძვის და იბრძოლა ქვეყნის ევროპული დღის წესრიგის დასაცავად, არ უნდა ხდებოდეს „ქართული ოცნების“ რუსული დავალებებისა და შურისძიების სამიზნე. ამ კონტექსტში ჩემი მხრიდან ნახსენები იყო ლაზარე გრიგორიადისის საქმეც. ეს ადამიანი „ქართული ოცნების“ მიერ შურისძიების მიზნით არის დაპატიმრებული. ასევე საუბარი მქონდა იმაზე, რომ კანდიდატის სტატუსის ჩავარდნა დღეს ეს არის რუსეთის დავალება „ქართული ოცნებისთვის“ და რა შეიძლება, გააკეთოს ჩვენმა საზოგადოებამ იმისთვის, რომ ამ დავალების შესრულებაში ხელი შეუშალოს „ქართულ ოცნებას“ შეუშალოს.

იმპიჩმენტზე ნაკლებად ვისაუბრეთ. ყველას ესმის, რომ იმპიჩმენტი „ქართული ოცნების“ მიერ დადგმული მასკარადია, რომელიც მიზნად ისახავს, არ მივიღოთ კანდიდატის სტატუსი. იმპიჩმენტის პროცედურის წარმატებით დასრულება ნიშნავს, რომ შეუძლებელი გახადონ ევროკავშირისთვის, საქართველოს საკითხზე პოზიტიური გადაწყვეტილება მიიღონ. საქართველოს პრეზიდენტის მოტივაცია დღეს არის, რომ ყველაფერი გაკეთდეს, რათა „ქართულ ოცნებას“ არ მიეცეს შანსი, ჩვენმა ქვეყანამ დაკარგოს კანდიდატის სტატუსი“, – განაცხადა სალომე სამადაშვილმა.