,,პრეზიდენტო ბაიდენ მოგიწოდებთ, შეაჩეროთ ჰუმანიტარული კატასტროფა, ჩვენი უდანაშაულო ხალხის გენოციდი”-მაჰმუდ აბასი

54
spot_img

პალესტინის პრეზიდენტმა მაჰმუდ აბასმა, პალესტინის ოფიციალური საინფორმაციო სააგენტო WAFA-ს სატელევიზიო ეთერის დროს ამერიკის პრეზიდენტს ჯო ბაიდენს მოუწოდა გამოიყენოს თავისი გავლენები და დაუყოვნებლივ შეაჩეროს ისრაელის შეტევა ღაზაში, რომელსაც ის ისრაელის მხრიდან პალესტინელი ხალხის მისამართით განხორციელებულ გენოციდად მოიხსენიებს. ის ამერიკის პრეზიდენტს ასევე ღაზას დახმარებისკენ მოუწოდებს.

„ის, რასაც ჩვენი ხალხი უძლებს მკვლელობისა და განადგურების თვალსაზრისით, აღემატება ადამიანურ შესაძლებლობებს. რას ელოდება ამერიკა ღაზაში ჩვენი ხალხის წინააღმდეგ მიმდინარე გენოციდის ფონზე? განა საკმარისი არ არის ბავშვების, ქალებისა და მოხუცების სისხლის ღვრა მსოფლიოს სინდისის გასაღვიძებლად?

დღეს მივმართავ აშშ-ის პრეზიდენტს ჯო ბაიდენს, რომელსაც აქვს განსაკუთრებული პასუხისმგებლობა მისი საერთაშორისო პოზიციისა და ისრაელის საოკუპაციო ხელისუფლებაზე მნიშვნელოვანი გავლენის გამო, დაუყოვნებლივ ჩაერიოს ამ აგრესიის შესაჩერებლად.

პრეზიდენტო ბაიდენ, მე მოგიწოდებთ თქვენ, მთელი თქვენი ოფიციალური და ჰუმანური თვისებებით, შეაჩეროთ ეს ჰუმანიტარული კატასტროფა, ეს გენოციდი ჩვენი უდანაშაულო ხალხის წინააღმდეგ. ისტორია არავის გაათავისუფლებს ამ დანაშაულებისგან. მოგიწოდებთ, დახმარება გაუწიოთ ჩვენს ალყაში მოქცეულ ხალხს ღაზაში. ეს ომი სასწრაფოდ უნდა შეწყდეს. როგორ შეიძლება ეს გენოციდი იყოს თავდაცვა? სინამდვილეში, ეს გენოციდი არის ომის დანაშაული, რომელიც დასჯას მოითხოვს“, – განაცხადა მაჰმუდ აბასმა.

18 ნოემბერს სატელევიზიო მიმართვისას მან ამერიკის პრეზიდენტს ასევე მოუწოდა ღაზას სექტორში ძლიერსაჭირო ჰუმანიტარული დახმარების შესვლისთვის ისრაელზე ზეწოლა მოახდინოს. ასევე ხაზგასმით აღნიშნა, რომ პალესტინელი ხალხი იმსახურებს სამშობლოში თავისუფლებითა და ღირსებით ცხოვრებას. მან პირობა დადო, რომ ისინი მტკიცედ დარჩებიან პალესტინის მიწაზე, სანამ პალესტინის დამოუკიდებლობას არ მიაღწევენ.